Täämbatsel päiwal kaibas kohtu ette moisa rendi härra Beitler, et temma Urmi kandi mehhed Hindrik Kiwit, - Hindrik Uets, - Johann Ilwes, - Jaan Leiter, - ja  Hindrik Luht wäega sõnna kuulmada ollewad ja mitte ei ollewad keaki teole tulnu, kui moisa neile eila käsku ollew andnu, et waja moisa linno tulla säädma, - ollewat nemma üttelnuwa et poolik päiw, - ei maswat ennamb minna nink jälle täämba ollewa jo Jürri päiw, mes pühhapäiwas peetas, - selleperrast ei ollewat nemma täämba tulnuwa; - nink nida iks moisale pahhandust teggewat; - nink pallel koggokonna kohhut neid neide sonnakuulmata olleki eest polizeilikult trahwi. -

Koggokonna kohhus moistse eggale üttele 10 witsalööki, agga ommeti neide üllewel nimmitedu kantniku palwe pääle saije neile täämba andis jäetus, - agga kui säärast kõrda tõine kõrd ette tullep, - peawa na sonnakuulmata olleki eest 25 witsa lööki saama. -

Moisa härra om sellega rahhu, - agga kui peas säärast luggu weel ette tullema, siis peap nemma trahwitus saama. -