Ette kaibas Peter Känksep, et Kauro Jaan Oinasgofi karjusse temma lehma mõtsan karjaman pu külge kinni köitnuwa ja ristluust maha löönuwa, ni et to lehm sukkugi ei wõi kõndida. to lehm ollew 20 Rbl wäärt. Kauro Jaan Oinasgofi karjapoisid kutsuti ette nink kostsewa küsimise päle et to lehm mõtsan ollew kaara pääle lännu, sis ollew nema hainu kaknuwa nink lehma mannu petnuwa - kablaga pu külge kinni köitnuwa ja sis tõine nuijaga ja tõine malgaga lehma peksnuwa. -

Kohtumees Tani Andressohn käis seda kahjo üle kaeman, nink üles et to lehma ristlu kont hobis tassa sisse om löödu, nink et tost lehmast kül paljo ennamb asja loota ei olle. -

Sellepääle arwas kogokonna kohus, et Jaan Oinasgof peap tolle lehmale kodon mönen aijan ruumi lubbama - põddemises. - kui sis lehm terwes saap, sis peap Känksep rahu olema. - ent kui terwes ei sa, sis jääp to lehm üllewel nimitedu hinna al Jaan Oinasgofi wastutamise ala, - ehk wiimswelt kuidas nema weel esi Känksepaga kokko leppisewa.