Ette tulli kaibussega Magasi teener Jaan Kull, et Oedre Michel Birkenbaum ollew tedda suwwel 17 Junil Maggasi ümbre mõõtmisse man Sõimanu Lontruses, ja ajanu tedda koddu ommi latsi hoitma ja oppama, - Päle selle weel augutanu, et temma ollewat minnewa aasta walla wannembas saija tahtun, nink ollew selleperrast minnewa talwel Nekruti loosimisse aigu Pühhajärwe kihhelkonna kohtu härra mannu sõitnu. - ka ollew Birkenbaum tedda lubbanu essi kolme aasta perrast wallawannembas panda. -

Michel Birkenbaum kutsuti ette, nink kostse küssimisse pääle, et Lokko Jaan Kull ollewat Magasi mõõtmisse man üttelun, et Birkenbaum peawat tedda pelgama. - Agga Birkenbaum ütles, et ammeti saisuse poolest ei pruukwat temma mitte Jaan Kulli peljata, olgo sis, et Jaan Kull kuidaki wiisi temmale ehk temma hoonetele kahjo püwwab tetta, ja sis olles temmal Jaan Kulli peljata, sis ollew temma kül Jaan Kulli Lontruses üttelnu. -

Koggokonna kohhus mõistse, et Michel Birkenbaum peab selle Lontruse sõimamisse eest masma 50 kop waeste Ladikude. - Agga et Jaan Kull käsknu Michel Birkenbaumil hennast paljata, mes jo temma ammeti saisus ommeti ei kässe, - moisteti ka temmal 50 kop waeste Ladikude masma. -

Selle mõistmissega ei tahtwa Jaan Kull ja Michel Birkenbaum kumbgi rahhul olla, ja pallewa Protokolli wälja, kihelkonna kohtude minna, mes neil ka lubbati. -