Wanna Koiola koggokonna kohtun Wissen, sel 11nel septembril 1878.

Man olliwa kohtowan(n)emb, M. Kurwitz

                      kohtomees, Jaan Plak

                      kohtomees, Karel Tobrelutz

Hels Plakso om(m)a eest saisja Josep Kadde man ollekin kaibap, et tem(m)a tennu Johann Lutsarile 17 jalksi päiwa ja weel masmata; nõwwap egga päiwa eest 

30 kop. sis om rahho. -

Johann Lutzar wastutas:"Tem(m)a ei olle mulle konnagi ilma massuta 1 päiw tennu; olle tälle kiik ärra tassonu. Röa man olli ta 3 ja 1 päiw linna kakman ja om ka mastu." -

Josep Pütt and tun(n)istust:"Tem(m)a kül päiwi teggi; ent ei tija, kui paljo ja kas mastu, ehk masmata." -

Moistetu: Et tun(n)istust ei olle, kui paljo päiwi tettu ja kas ka mastu, wai masmata, sis arwap kohhus ne üllewel nõuto päiwa poles ja Johann Lutsar massap

2 rbl. 55 kop. Hels Plakso hääs wälja. -

Kohtokäüjile otsus ette loetu, suremba kohtokäümisse sädus § 772-774 perra kulutedu.

                    Kohtowan(n)emb, M. Kurwitz  XXX

                    Kohtomees, Jaan Plak  XXX

                    Kohtomees, Karel Tobrelutz  XXX

                                   Kirjotaja, J. Käis