Sellsamal nimmitedu kohto päiwal kaibas ette Johan Ilwes, et tema poig minewal aastal Jaak Eehki man sulasen 5 Rbl palga eest om olnu, päle selle ollew Johan Ilwesse poig henda poolt Jaak Eegi tö man ärra kulutanu: 1 paar saapid 2 Rbl wäärt, ja 1 Särk 3 Rbl wäärt, - nink sellejärgi oles temal Ehki käest 10 Rbl nõuda olnu.

Jaak Ehk andse üles, mes tema Johan Ilwesse pojale ärra om masnu: 1.) palka 4 Rbl raha; temma eest penikese kogokonna massud, mes mitte kauba tegemise sisen ei ollew olun, teewa 2 Rbl 22 kop, - üts kirwes ärra kaotanu: 40 kop wäärt, - ülekiige kokku 6 Rbl 62 k. Sellejärgi tulep Jaak Eegul weel Johan Ilwese pojale 3 Rbl 38 kop., - ja kogokonna kohhus

mõistse:

Et Jaak Eehk peab to 3 Rbl 38 kop 18 Januarini Johan Ilwesse pojale ärra masma. -