Kohto ette kaibas Iwanow Maxinow, et tema esa Ilmjerwe kõrdsimees - kui ta weel elli, ollew soldat Johan Petersonile - kes Walka olli sõitnu - 6 Rbl raha wiina tuwwa andnu, ja ka üte ankru ütten; ent Johan Peterson ei olewat wiina toonu, ei ka raha tagasi andnu. -

Johan Peterson kutsuti ette ja ta ütles, et ta ollew ankru Walgast Lamberti kontorist wiina täis pandnu ja 75 kop weel henda käest manu masnu, aga Pura kõrdsi man -  Walgast arwata ¼ wersta - ollew se wiin ilmnägemata kiik ankrust wälja joosknu. - Ankrul olnu allweeren üts korgi suurune mulk, kon kork een olnu - keda tema ei ollew ka teednu, - nink hainu sisse ollew se kork eest ära hõõrdunu ja wiina ka hainu sisse joosnu . -

Et Kõrdsimees seda ülewel nimitedu ankru mulku Johan Petrowile es ole näidanu, - ja ka et Johan Petrow esi es ole häste perra kaenu, kui ta olli lasknu wiinal maha joosta, sis 

moistse. -

kogokonna kohus seda kahjo pooles, nink Johan Peterson peab 3 Rbl Iwan Maxinowile ära masma. -

Wiimselt sai neile ette säetus, kui ei peas keaki selle otsusega rahul olema, et sis woip se - kes rahul ei ole Protokolli wälja wõtta ja keiserliko IVda Tarto kihelkonna kohtude minna. -