Ette kaibas mõtsawaht Jaan Juust, et Kiwita soldat Michel Orn ollew kroono mõtsast ommi puid wälja wedanu, kui puud Moisa Rendi härrast Beitler - mõtsa härra käso pääle weel ei olewat üle kaetu olnu.

Kiwita soldat Michel Orn kutsuti ette, nink ta koste küssimisse pääle, et tema ollew kuulnu, kui Mõtsa härra jo kolm päiwa enne tema wedamist ollew puid ära kaenu, nink ei ollew selleperast enamb Mõtsa wahi manu perra kuulama lännu; aga et Moisa Rendi härra Beitler - mõtsa härra käso pääle puid pidi läbi kaema, nink et puud weel tema wedamise aigu üle kaemada olnuwa, seda ei ollew tema mitte teednu. -

Et soldat Michel Orn seda es tija, et mõtsan puud weel üle kaemada olnuwa, kui tema om wedama lännu; - sis saij kogokonna kohto poolt temale kõwaste kinnitedus, - edespidi mitte enamb enne puid wedama minna, - kui ta mõtsawahi käest wedamise luba küsinu ei ole, - et puud kaetu ja woip wedada. -