Wanna Koiola koggokonna kohtun Wissen, sel 2 oktobril 1878

Man olliwa kohtomees, Jaan Plak 

                    kohtomees, Karel Tobrelutz

               abbi kohtomees, Jaan Maasik

Jaan Jurik Moisekatzist kaibap et Peter Küpper Kusta Oinas piip ärra warrastanu kes essi purjun ja arwap et tem(m)a rahha ka om selle kaiwatawa läbbi sanu, ärra warrastedus, ent ei tija kui paljo nõwwap 100 rbl. sis om rahho. -

Peter Küpper wastutas:"Minna ei tija sest kaibussest kül middagi üttelda; kelle päle minna om(m)a pip mahha põrrota ja warrastanu minna keddagi ei olle; enge piip kül wahheti." -

Jaan Sikka Rassinalt wastutas:"Meije tullime kiik nelja keske Purilt ja isteme Jaan Jurik perremehhe hobbese pääl ja pibu wahhetust nink liga joomist minna näije ja saije ka mõnni klaas, nink osti ka essi." 

Moistetu: Et kohhus neid kiiki 3me om läudnu een ollen purjun ollew, mes kül surest tunda es olle; ent siski ka pea tõtte ja kaibaja, kes kige ennämb purjon nätta olli ja sedda kohhut om trotsnu ja kahjo nõudnu; kui kige wähhemb tälle middagi ei olle johtunu ja pälegi om(m)a perremehhe hobbese päle tõisi koeri om wõtnu; kelle ülle lubba wist perremees tälle es anna. -

Otsus: Et kellegi üttegi asja ei olle; mink päle kohtuhe woip tulla ja pälegi purjo pääga; sis saawa egga üts ni häste kaibaja kui kaiwatawa; kedda kaibaja om(m)a perremehhe hobbese pääle wõtte; täämba selle kohto läbbi 15 witsa lööki nisuggutse hullu pääga kõndmisse eest. -

Kohtokäüjile otsus ette loetu suremba kohtokäümisse sädus § 772, 773 n. 774 perra kulutedu.

                 Kohtomees, Jaan Plak  XXX

                 Kohtomees, Karel Tobrelutz  XXX

         abbi Kohtomees, Jaan Maasik XXX 

                        Kirjotaja, J. Käis