Mihkel Puk kaibas et temma kaddunu essa David om Karl Rautsep'ale 25 Rubla lainusses andnu nink nüüd weel täämba päiwani masmata om.

Karl Rautsep andse selle Mihkli Puk'a kaibusse päle kostust: "Minna olle David Puk'ale sellest 25 Rubla wõllast 20 Rubla ärra masnu, ja om weel 5 Rubla masmata."

Tunnistaja Johann Pill andse nidate tunnistust: "Kui David Puk surma-woodi pääl maan olli, sis kõnneli David Puk 2 päiwa enne temma surma, et Karl Rautsep 25 Rubla temmale wõlgo om." 

Otsus.

Et Karl Rautsep'al üttegi tunnistajat ei olle, et temma se 20 Rubla kaddunu David Puk'a kätte om ärra masnu, peab Karl Rautsep se wolla 25 Rubla kaddunu David Puk'a poja Mihkle kätte ärra masma.

Neile kohton-käujatele omma ne L. T. S. §§ 772 & 773 aastast 1860 ette loetu, mes tähhele tulleb panda kui surembat kohhut tahhawa käwwa. 

Karl Rautsep ei olle selle kohtomõistmissega rahhule, enge temma tahhab surembat kohhut käwwa. Temmale om ka se sädusse perra Appellation-täht sel 13. Webruaril c. wälja antu. 

Päkohtomees Märt Lüüs XXX

Kohtomees Karl Wernik XXX

  "  Rein Mendik XXX