Ette tulli kaibosega Karl Margussohn, et temma endine perremees Kikka Johan Weski temale 319 palka kinni peap. - ta näitas tähte päält ette, et kümme Rubla olli leppitu, nink säält om ärra mastu 6 Rbl 81 kop, selle perra om weel masmada 319 kop. -

Weel kaibas Karl Margusson, et Johan Weski ollew teda Lina wargas tennu, nink ollew kohtu mehhega teda otsma tulnu, ei ollew aga midagi löidnu. - Ta ei teedwat tema linnast middagi, Johan Wesk ollew teda aga trotznu; -pääle selle ollew Johan Weski weel tedda minewa talwel kolm kõrd löönu. -

Johan Weski kutsuti ette, nink ta ütles, et tema ollew kiik palga wälja masnu, - es woi aga üttegi tunnistust ette tuwwa, kui paljo ja konnas ta masnu om; - agga Karl Margusson ütles sedda kiik wõls ollaw.

Selle Karl Margussonist ette näidatu tähhe perra moistse kogokonna kohhu, et Johan Weski peap:

1., Karl Margussonile 319 kop palka; 

2., teda lina wargassas sõimamise ees magasi läädikude trahwis 1 Rbl ja 

3., Karl Margussohnile 3 kõrd kõrwa pääle löömise eest 3 Rbl ka magasi laadikude - kokko 7 Rbl 19 Cop - sel 4 Juunil kogokonna kohto manu sisse masma.

Sellega ei ole Johann Wesk rahul, enge ütles, et tema tõtteste teedwad, et Karl Margussoni esa Jaan Margusson ollew noid warrastedusit Linno Jaan Laijusse hobesega nustakulle wiinu. -

Et Jaan Laijus siin ei ole, saab se asi sel 4 Junil ette weötus. -