Kohto ette tulli se seeni ajani s.o, 23 aprillini 1871 olnu Lokomärdi talo peremees Peep Dobro nink andse wasta nüüdest Lokomärdi peremeest Hindrik Leiter - järel saiswad kaibust üles. - Sel 24 Aprillil s.a. ollewi Lokomärdi talo tema käest ära wõtmise - ja Hindrik Leiterile käte andmise man - mes kogokonna kohtuga on sündinu - ollew kogokonna kohtumehed temale üttelnu, et tema peawad Hindrik Leiterile kartoflid seemnes 15 wakka andma. - Kartoflid ollew sis wwel mõtsan hawwan olnuwa. -

Pääle selle tõisel nädalal ollew Hindrik Leiter oma lubaga - ilma et ta  Leiter oles kohtomeest manu toonu, ehk tema käest küsinu - mõtsa kartofli hawwa manu lännu, hawwa wallale tennu, ja ka kartoflid wälja wõtnu. - Kui nüüd maja kiige muu kraami nink suwiwilja seemnega kogokonna kohtu läbi Hindrik Leiteri kätte saanu antus, sis oles pidanu Hindrik Leiter ka kartofli seemne wõtmise manu kohtu meest tuwwa; - nink et Hindrik Leiter ilma kohtomeheda tema kartofle hawwa manu lännu ollew - hawwa wallale tennu ja jo kartoflid wankri pääle pandnu, - sis ollew tema naine Hindrik Leiterid keelma lännu, - nink sis ollew Hindrik Leiter tema naisele kartofli hawwa man kolm kõrd löönu, pääle selle lapju kätte wõtnu, nink lubanu tema (:Dobro:) nink tema naisega põlwüli kakkelda. - Tunnistaja ollew Hans Teder Jaan Leiter ja Mari Wenne. -

Hindrik Leiter kutsuti ette, ja ta ütles, et tema ollew hommungu Peep Dobro käest kartoflid küsinu, nink Tobro ei ollew temale sõnnagi wasta üttelnu, sis ollew tema ilma Peep Dobrota kartoflid tooma lännu; - tõiselt ei ollew se ka õige et tema Dobro naist ollew löönu, enge Dobro naine ollew teda kül edimalt kats kõrd kõrwa pääle löönu - kartofli kotti ümbre tõuganu;  -  nink sis ollew tema Dobro naist ennegi tõuganu. -

Tunnistajad Hans Teder, Jaan Leiter ja Mari Wenne tunnistiwa ka kiik, et Dobro naine ollew Hindrik Leiterid enne kats kõrd kõrwa pääle löönu, siis ollew Hindrik Leiter teda tõuganu, aga löömist ei ollew keagi nännu. -

Et Peep Dobro naine Hindrik Leiterid edimalt on löönu, ni kui Hindrik Leiter esi wälja ütles, nink ka niida kui ülewel nimitedu tunnistajad tunnistawa, sis sellepääle

moistse 

kogokonna kohus, et Peep Dobro naine peab Hindrik Leiterile neide katte kõrwa löögi eest 5 Rbl masma. -

Pääle selle, kui se Protokoll ja kogokonna kohto moistmine, mõlembile poolile ette loetus ja seletetus saanu, - ütles Peep Dobro, et tema selle moistmisega rahul ei taha olla ja palles Protokolli wälja, keiserliko IVda Tarto kihelkonna kohtude minna. -

Sis sai kogokonna kohto poolt otsuses tettus, Peep Dobrole tema tahttmist mööda Protokolli katessa päiwa perrast wälja anda. -

[märkus lehe serwal:] Protokoll kihelkonna kohtude antu. -