Wanna Koijola koggokonna kohtun Wissen, sel 23tal okdobril 1878

Man olliwa kohtuwannemb M Kurwitz

                   kohtumees Jaan Plak

           abbi Kohtumees Jaan Masik 

Michel Kattai tulli ette ja kaibap, et Karel Lok ja Jaan Kügger Wastse Koiola tem(m)a aidast 15/16 oktobri öse 6 wakka rükki 3 wakka röa jahhu 2 wakka keswi 1 m. keswa suurmit ja 12 meeste ja 5 naiste ham(m)et, 5 pari willatsit sukke ja 1 külle allutse rõiwas ärra warrastanu; aida lukku aasa mahhamurdmisse läbbi ja jälgi pitte hom(m)ongo om tem(m)a essi/Michel Kattai,/Märt Maasik ja Peter Tolk perra lännu ni kaugete, kui Karel Lok pole, kon üts rattas neil olli katski lännu ja Karel Lok om rattas manno pandnu. Kohto otsmisse läbbi saije tem(m)a mant mõtsast ülles löütus 3 wakka jahhu; kon ütte kotti sissen ka jahhu olliwa, mes Karel Lutzula perralt oli; kedda tem(m)a naine Ann Lutzula Karel Lok naisele kartohwlide sisse pandu olli andnu ja tun(n)istas ka sedda kotti om(m)as sääl läbbi otsmisse, kui ka kohto man. Nink Karel Lok aidast saije löütus 5 1/2 wakka rükki, ja 1 m. suurmit; kohtomehhe Jaan Maasik man ollekin; mes ka Michel Kattai om(m)as tun(n)istas nink nisam(m)a ka jahhu, mes olli mõtsa käkkitu. Perrast saije otsmisse läbbi tem(m)a käest löütus: 3 lamba nahka lao päält õlle kuu sissest ja kappist 1 wassine pesmer; mes 108 naela ülles kaalse kedda Karel Lok naine Ann üttel Wastse Kuuste wallast sawat; Nink sängi maggaus kottist sissest saije löütus kolm meeste ham(m)et ja üts ham(m)e kõlgusest olgi sissest. -

Karel Lok wastutas selle kige päle  Minna tem(m)a aita ei olle warrastanu ja tälle kahjo kige wähhemb tennu; nink se willi ja nahha om(m)a minno om(m)a nink pesmer löise minna sel süggisel õddango Põlwa Karriko moisa lade päält tullen tee päält. Nahha panni minna selle perrast õlle kuu sisse, et läbbi jooskmisse läbbi ärra ei liggone. Külle allutse kotti sisse minna hammid ei olle pandnu ja ham(m)e mes kõlgussen olliwa latse om(m)a maggausse assemele wiinu." - 

Läbbi otsmisse man es ütle Karel Lok ütte terragi keswi Jaan Kügger´le andwat; ent nüüd üttel kohto man 2 wakka andwat. " -

Märt Maasik ja Peter Tolk, kes ka Michel Kattai´ga tem(m)a jälgi pitte perra lätsiwa arwawa et Karel Lok selgest warras om ja ka tijap, kes tem(m)aga liggi olli warrastaman." 

Gustaw Wreiman and tun(n)istust: "Karel Lok küsse minno käest 1 m. rükki mahha külwa ja ütles :"Mul ei olle kostki mahha külwa, sest mes mul olli om kotti pantu weskile wija ja terra ei olle mul koddo jäänu. " 

Karel Lok üttel: Sedda minna ütli; selle perrast, et mul tem(m)a essa käest 1 wak rükki rehhe pesmisse eest sada olli ja ei olle weel parhellagi kätte sanu." 

Lena Jaal and tun(n)istust: Karel Lok naine Ann üttel minno wasta:"Minno ellon ei olle terri sugguge tseale anda."

Sis sadap allandlikkult se sin(n)ane koggokonna kohhus se warras Karel Lok Keiserlikko Austud Werro Maakohto kätte kon sädus perra tem(m)aga saap talli-

tedus. -

                            Kohtowan(n)emb, M. Kurwitz  XXX

                            Kohtomees, Jaan Plak  XXX

                  abbi  Kohtomees, Jaan Maasik  XXX

                                Kirjotaja, J. Käis