Kohto ette kaibas Urmi kantnik Hindrik Rebane, et tema ollew suwel Loha poolt mõtsast üts noor mehine löidnu, tema arwata wõiwat se mehine kaugelt tolnu olla ja wäsimuse perast sinna puhkama lasknu. - Matsi peremees Albrecht Asserus ollew tema mehitse löidmist kuulnu, - sis tema poole lännu ja tööntanu, et se tema noor mehine ollew olnu, kes ilm teedmada ollew ärra lännu. - Albrecht Asserus ollew seda mehist tema käest omale tahtnu, nink lubanu selle eest 1 Rbl raha ja 1 toop wiina. - se 1 Rbl raha ollew Asserus kül ära andnu, aga se lubatud toop wiina ei ollew Asserus andnu, nink sis ollew tema - Rebane - ka se 1 Rubl Asserusele tagasi wiinu, ja tahtnu omma mehist kätte saija.

Sis ollew Asserus nakkanu temaga tülitsema, et kuis ollew Rebane tohtnu ööse tema ussaida tulla, ilma tema teedmata /:sest Rebane olli suwitsel õdagul oma mehitse perra lännu, et päiwa ei woij mehist kohegile wija:/ - ja ollew weel tema poisile Karl Põder Püssirawwaga käe pääle - ja rusikuga kõrwa pääle löönu. - Sis nõwwab tema Albrecht Asseruse käest - kas oma mehine tagasi, - ehk 1 Rbl raha ja toop wiina, mes jo Asserus alustusen lubanu olli. -

Pääle selle tulli ka kohto ette Rebase pois Karl Põder, - nink nõwwab oma 2 löögi eest - mes jo ülewel nimitedu om  - Albrecht Asseruse käest 50 Rubl. -

Sellepääle kutsuti Albrecht Asserus ette, nink ta es woi mitte salgata, mes Hindrik Rebane oma poisi Karl Podraga tema pääle kaibassiwa.

Sellepääle mõistse kogokonna kohus, et Albrecht Asserus peab Hindrik Rebasele to mehitse eest - mes Asseruse kätte jäij - 1 Rbl raha ja toop wiina - nink Karl Põdrale neide katte löögi eest 3 Rbl masma.

[kohtumeeste ametinimed ja allkirjad]

[hilisem juurdekirjutus:] Selle kogokonna kohtole om täämba teeda antu, et Albret Asserus - Hindrik Rebane ja Karl Põder ollew Ilmjerwe kõrdsi manu kiik esi henda wahel ära lepnuwa. -

Ilmjerw 27 Sept 1871   Kogokonna kirjotaja P. Assor [allkiri]