Sel sammal enne nimmetu kohtu päiwal aste ette Hantsu naine Mai Ilwes Anne moisast nink kaibas et temma poig Kaarli Ilwes ollew Ilmjerwe wallan karjuses antu Kikka Juhhan Weski manne ent Juhhan Weski sullane Peter Weski ollew temma poiga pühhapäiwal mõtsan karja man pesnu. Peter Weski saije ette kutsutus nink temma es woi mitte wabbandata et temma ei olle lönu enge selle perrast et karjuse olli temma lehmale penni päle ajanu, nink tõise karjuse ollew temma pojaga kaklema lännu, Selle päle saiwa kik ne karjuse ette kutsutus,

Hindrik Petri p              8 aasta wanna

Karli Ilwes Hantso p    10   -         -

Jaan Weski Hindrik p  16   -          -

nink nemma tunnistiwa et neide kaklemine ja lehma purretaminne penniga ei ollew middagi suur assi olnu, ent Peter Weski ollew kül Karlit Ilwest Hantsu poiga pesnu. -

Selle päle moistedi koggokonna kohtun et Peter Weski peap selle latse pesmisse eest masma temma wannembile 5 Rubl ent wiimselt lubbas se latse emma Mai Ilwes katte Rublaga rahhu olla kui ennegi 1 Nowember ärra peap mastu ollema. -  

[juurdekirjutus:]                     22       d°          sai 3 Rbl ärra mastus.