Ette tulli Matsi talo perremees Albrecht Asserus, nink andse järel saiswad kaibust ette. -

Talwiste püha perametse pühal ollew tema Sangaste poolt hainu ostmast sõitnu, nink Ilmjerwe ja Rösto moisa wahel ollew üts hobene reega - ilma meheta - temale wasta tulnu. - Tema ollew se hobese kinni wõtnu ja tulnu Ilmjerwe moisa kõrdsi manu teeda andma, et omanik hobese kätte saassi. - Se hobene ollew olnu Rösto karja moisa rentnikul, ja ta ollew oma hobese kätte saanu -

Kui tema nüüd se ülewel nimitedu hobese perast kõrdsi manu olli lännu, ollew Lokomärdi Karl Leiter ja Hindrik Herbst sääl temaga wägüsi tülli tüknuwa, et Tema kül neile midagi halwaste ei ollew üttelnu, enge neid pallelnu, et na teda rahul jättasse. - Karl Leiter ja Hindrik Herbst ei ollew tema palwust mitte kuulnuwa, - ja ollew nakkanuwa teda kõrdsist wälja kutsma. -

Wiimate ollew Karl Leiter kõrdsist tule ära kistutanu, ja sis ollew Hindrik Herbst ja Karl Leiter teda - Albrecht Asserust  - nakkanuwa kõrdsist wälja wedama, - aga ta ollew hennast neide käest wallale rapputanu, ja nakkanu kõrdsimant teed mööda kodo poole pakko jooskma. -

Arwata paar sada sammu kõrdsi mant ollew Hindrik Herbst - Johan Orik - nink kats tõisi, keda tema pimesi ei ollew tundnu - temale takkast järgi joosknuwa nink Hendrik Herbst ollew temale ruskuga kukrude löönu, ja teda otseli maha löönu, - kaska üle pää tõmmanuwa, ja piitskuga ja nuijega pesma nakkanuwa. Hendrik Herbst ollew sis weel oma käe tema - Asseruse - puhu nakanu topma, - kon temal 74 Rbl raha, ja üts wõla täht 125 Rublaline puhun olnu, - aga kui tema  - Asserus - oma puhu kowaste ommi kässika ollew kinni hoitun - ja Hendrik Herbstil ei ole lasknu omma puhu ajada ja omma puhu lahku, sis ollew Hendrik Herbst hammastega tema hää käe päkka kinni wõtun, ja lahki purenu, sis ei ollew tema  - ennamb jõudnu puhu kinni hoita, ja Hendrik Herbst ollew tema puhu wallale lahknu, temal 74 Rubla raha, ja 125 Rublaline wõla täht ära riisnu. -

Kiige selle Hendrik Herbstist ja Karl Leiterist temale sääl tettu kahjo ja neil temaga tülitsemise man ei ollew tema sukkuki süüdi, - nink andse selleperast tummistajid üles, kes ollew nännu, ja woiwat tunnistada, et tema ilma süüta ollew olnu. - Tunnistajad. 1 Tani Andresson, 2 Peep Dobro, 3. Jaan Saar, 4 Andrus Uhdras, 5 Peter Lääts

Sellepääle kutsuti Hindrik Herbst ette, nink ta ütles, et Albrecht Asserus ollew Karl Leiterid ja Lokomärdi Tanilid nakkanu kõrdsiman sõimama, pimmes kõrwetus jalotus j.n.e.

Et temal ka Lokomärdi Adam Leiteri tüttar (se tulep Karl Leiterile sõsar:) naisses om wõetu, sis ollew se Albrecht Asseruse sõimamine temal wasta meelt olnu,sis kül ollew tema Asserust nakkanu wälja kutsma, aga ta ei ollew mitte tulnu, wiimate ollew ei tija kuidas tuli kõrdsist ära kistunu, nink sis olewat nema kül Karl Leiteriga Asseruse rindust kinni wõtnuwa ja  nakkanuwa teda kõrdsist wälja wedama, sis ollew temma neide käest wallale päsnu ja nakkanu teed mööda kodo poole jooskma, sis ollew tema kül Asserusele ütsinda järgi joosknu - rusikuga kukrude löönu, ja sis kaska üle pää tõmmanu, nink kolm kõrd Asserusele piitsa warrega püksö mööda löönu, aga kät ei ollew ta mitte Asserusele puhu topnu, nink ei ollew ka mitte tema raha wõtnu. -

Wiimselt kutsuti ka need Albrecht Asserusest ükes antud tunnistajad ette, ja saiwa üle kulleldus:

1. Tani Andresson - lutre usku - andse küsimise pääle üles, - et tema ollew peramätse püha õdangu Ilmjerwe moisa kõrdsiman purjun olnu. - Tema ollew kül kuulu Karl Leiter ja Hindrik Herbsti Albrecht Asserusega tülitsewad, - Ta ollew ka Karl Leiterid ja Hindrik Herbsti weel keelnu, et na oma tüli oles maha jätnuwa; kui Asserus - kõrdsist wälja wiidu, sis ei ollew tema edimält mitte wälja saanu, sest et üts ollew wäljast poolt ust kinni pidanu, et keski walja ei ka sisse es sa, selle ei teedwat tema üttelda, kes Asserust pessiwa. -

2. Peep Dobro - lutre usku - tunnistas, et Hindrik Herbst ollew ilm asjanda Asserusega Tüli otsnu, aga Asserus ollew Herbsti wasto pallelnu, - wiimate ollew Karl Leiter tule Lambi küllest ära kistutanu, nink sis ollewad nema Assruse wälja wiinuwa; - Ta ei ollew ka wälja saanu; selle et kõrdsi ust ollew kinni peetud.

Selle ei woiwat tema ka üttelda, kes Asserust pesnu. -

3. Jaan Saar - lutre usku, andse üles, et tema olewad purjun olnu, ta mäletawat kül, - et Hindrik Herbst Karl Leiter ja Albrecht Asseruse wahel tüli om olnu, pikkembalt ei teedwat ta midagi. -

4. Andres Uhdras ja 5 Peter Lääts - es ole täämba kohto manu tulnuwa. -

Selle eensaiswa kakkeluse kohto asja pääle

arwas

kogokonna kohus, et se asi Talorahwa säädusse raamato perra 1860 - § 1049 - keiserliko Tarto maakohtule puttub, nink Albrecht Asserust selle protokolliga sinna saatma peab. -