Ette tulli kaibusega Matsi Albrecht Asserus, et Matsi noor Michel Maala ollew 8 Nowembril 1871. Ilmjerwe moisa kõrdsin temaga kakkelnu; - tunnistaja ollew Pabo Adam Uibo. -

Michel Maala tulli ette nink kostse küsimise pääle, - et tema ei woiwad seda enamb mäletada, kas tema 8 Nowembril 1871 kõrdsiman ollew olnu, ehk mitte; Se olewad ka hoopis wõls, et tema Asserusega olessi kakkelnu.-

Pabo Adam Uibo kutsuti ette, nink ta kostse küsimise pääle, et tema ollew 8 Nowembril a. pr. Ilmjerwe moisa kõrdsin nännu, et Asserus ja Maala ollew üts tõist tõuganuwa ja tülitsenuwa. - Ta ei wõiwad ka kauge aja perast enamb pikkembalt midagi mäletada, mes perast nema ollew tülitsenuwa. -

Et se asi jo Albrecht Asseruse poolt wäega pikkale om jäetu, - sest 8 Nowembrist 1871, om selle kohtopäiwani 4 kuud mööda lännu, sis sai kogokonna kohto poolt moistetus:

Michel Maala peab kogokonna laadikude trahwi masma 1 Rbl 50 Cop. katte nädali sisen; - nink Albrecht Asserusel - et tema oma kohto asja wäega kauges om jätnu ja pikkäle wiiwitanu - ei woi kellegi käest midagi nõuda. -

Kohto otsus saij kohtus käijile talorahwa sääduse raamato 1860 aastast - § 772 ja 773 oppuse mööda kuulutedus, - ja Albrecht Asserusele täht wälja antus, - suurembat kohut käwwa. -