Kohto ette kaibas moisa walitsus, et moisa nurme waht olewad neid peran nimitedu inemisi moisa piiri sisest hainu ja ristik hainu wargilt kinni wõtnu, nink nimelt:

1., üts Lokomärdi poisikenne, kes ütte Zirbi ütte kübara ja ka oma hamme nurme wahi kätte jätnu; -

2., Kaks Lokomärdi tüdrukud, - keda se poisikene ollew üttelnu tundnu olewat;

3.,Tõudsi seppa naine, olewad Moisa nurme Lotte XII Ristik hainu warastanu; 

4., Urmi kantniku Hindrik Luha karjus Jaan Tuula olewad ka moisa nurmen hainu warastanu, nink nurme wahi kätte üts Zirp ja 1 kott maha jätnu. -

Kiiki need eennimitedu inemisi palles moisa Rendi härra Beitler kogokonna kohto poolt trahwi, - ja Nurme wahile ega kinni wõetu asju päält § 1065 Talorahwa sääduse raamato mööda 50 kop. kohto poolt sisse nõuda. -

Pääle selle said need wargad läbi kulleldus ja küsitus; - nimelt:

1., Se Lokomärdi pois Michel Teder ütles, et tema ollew kül niidu perwe pääl istnu Zirp käen; - neil ei ollew sukkugi haina kotte ütten olnu. - Nurme waht ollew tema hamet säljast wägisi ära kiskun ja teda ihualaste ilma hammeda jätnu, -Ta andse weel küsimise pääle üles et temaga olnu ütten weel Jaan Tobro, - aga katte tüdrukud ei ollew nema nännuwa

Tõudsi seppa naine es ole woino haiguse perast tulla, sis olli tema mees Hindrik Herbst tulnu; - se kaibas, et nurme waht ollew tema naist äkki heidotanu, siis ollew naine haiges jäänu, tema ollew jo mõne 10 Rubla eest rohto laskun tuwwa. -

Ta palles koggokonna kohut, et kogokonna  kohus Moisa Nurme wahil Ott Kahrol tema Naise rohitsemine massa moistussi. -

Neide pääle tegi kogokonna kohus järel saiswad moistust:

Lokomärdi poisile Michel Tedrele peap Moisa Nurme waht tema - Michel Tedre paljas kiskmise eest - masma 50 kop. - mes ka nurme waht ära masse. -

Jaan Tobro peap masma 25 kop Nurme wahile; -

Tõudsi sepp Hindrik Herbst wiigo oma naine Tohtre manu läbi kaeda laske, kas tal on heidotamise tõbi, nink sis peab ta tooma Tohtre käest selle üle tunnistus kogokonna kohtule ette 3da Julis, - Kui Hindrik Herbst selles päiwas Tunnistust tohtre käest oma naise terwise üle kogokonna kohtule ei ole ette toonu - sis peab tema ka oma naise eest 25 kop Nurme wahile masma.

Urmi Hindrik Luha karjus Jaan Tuulale moisteti kohto poolt 5 witsa lööki trahwis.

Kohto otsus saij kuulutedus §§ 772 & 773 Talorahwa sääduse raamatu 1860 oppuse mööda. -