Ilmjerwe kroonu mõtsawaht Jaan Juust kaibas, et Matsi perremees Albrecht Asserus, ollew Ilmjerwe kroono mõtsast puid warastanu - nink kogokonna kohto mehed käisiwa üle kaeman ja olliwa löidnuwa, et Albrecht Asserus om Ilmjerwe kroono mõtsast - 40 puud - leppad ja kõiwud seggi - ja 3-4 tolli tüwest jamedat - warastanu, kohtomehed andsewa protokolli, et ülekaemise man ollew löitu - et mõne puu ommewa kuiwe olnuwa. -

Albrecht Asserus ette kutsutu - andse küsimise pääle üles, et tema ei ollew käsknu kellelgi kroono mõtsa minnä, aga tema pois ollew üle tema keelu lännu, ja paar koormid toonu. -

Kogokonna kohto poolt saij selle pääle arwatus, - seda mõtsa härrale teeda anda, ja se Protokoll sinnä saata. -