Koljo poolperemees Johann Roose kaibas, et tema poolepa mees Ado Oinasgof ollew oma poisiga Jaan Indov - tema jago küttist üle piiri nakkanu kündma, - ehk neil kül enne jo ollew piirid ära mõõdetu olnuwa. - Tema - Johann Roose - ollew Jaan Indowi keelma lännu, sis ollew Ado Oinasgof temale rindu löönu, - pääle selle ollew tema sis  ka Ado Oinasgofi kinni wõtnu, ja maha pandnu, - sis ollew Oinasgofi pois Jaan Indow - suure nuijaga tema hä käe olast maha löönu. -

Ta nõwwab Jaan Indowi käest selle löögi eest 50 Rubl ja palles kogokonna kohut, seda platsi üle kaeda, kos se tüli om olnu. - Kogokonna kohto poolt saij se plats üle kaetus, ja saij awalikus, - et Ado Oinasgof om edimalt Johann Roosele löönu ja edimane tüli tegija. -

Ado Oinasgof es woi ka seda esi salgata. -

Selle pääle moisteti: Ado Oinasgof - edimäne tüli tegija - massab 3 Rubl hõbb. trahwis - kogokonna laadikude. -

Jaan Indow massab selle rasse löögi eest Johann Roosele 5 rbl. ja saab kogokonna kohto poolt 10 witsa lööki trahwis. -

Et temale haiguse perast witsu ei woi anda - massab ta 1 Rub. trahwis kogokonna laadikude. -

Kohto otsus saij kohtun käüjile 1860 aasta Sääduse raamatu  §§ 772 & 773 oppuse mööda kuulutedus. - Johann Roose ütles, et ta rahul ei ole - Saij temale täht wälja antus, Keiserliko Tarto IVda kihelkonna kohtude kaibata. -