Wanna Koiola koggokn(n)a kohtun Wissen, sel 13nel nowembril 1878.

Man olliwa kohtowan(n)emb, M. Kurwitz

                    kohtomees, Jaan Plak

        abbi    kohtomees, Jaan Maasik

Keiserlikko Werro Maa Kohto kirja käskmisse perra, mes sel 31sel oktobril s.a. N 7663 al käskse Michel Kattai aita ülle kaeda, kuis modo warras sisse om murdnu. -

Sis saije ülle kaetus ja löitus, et warras Karel Lok ja Jaan Kügger, kui neil hobbene wangerdega, kon nelli rawwutamata puu tsõri al olli, olli aida tade jättet ja nem(m)a om(m)a eddimalt ütte pakso puu kiloga alt usse mulgust iks ülles pole ust pitte wäggiwaltselt kangutanu; et aida lukku aas, mes mitte nedit es olle, nakkas usse piitjalla sissest wälja tullema; nink perrast om(m)a nem(m)a ka rawwast rattaste wahhe pulka selle tarwis pruuknu seni kui aida us saije aasa wälja kiskmisse läbbi wallale murtus. 

Sedda tun(n)istawa ne al nim(m)itedu kohtomehhe, et nem(m)a sedda wisi aida wallale murdmist om(m)a löidnu, tõtte ollewat. -

                   Kohtowan(n)emb, M. Kurwitz  XXX

                   Kohtomees, Jaan Plak  XXX

           abbi Kohtomees, Jaan Maasik  XXX

                                  Kirjotaja, J. Käis