Kohto ette kaibas Moisa sawikiwi tegija meister saksa mees Brauer, et tema pois Johan Maala ei ollew tema hobest mitte moisa hobste manu wiinu, - ni kui temal jo ütskõrd ära ollew oppato olnu, - enge hobese ütsinda kõrdsimanu niidu pääle wallale lasknu - kost se hobene tol samal ööl ära olli warastedu. Brauer arwas et se kahju - mes tema selle läbi om saanu, 40 Rbl manu kannab - nink nõwwab Johann Maala käest pool seda kahjo - se om 20 Rbl wälja mastus saija. -

Johan Maala ette kutsutu - ütles - et kui tema Braueri hobese kõrdsi ala niidu pääle olli wiinu - siis olewad moisa hobesed weel kiik een olnuwa. -Ta ollew pääle selle õkwa sawi ahju manu ööses tööle lännu, - ja ei teedwat hobesest pääle selle midagi.

Johann Maala andse weel üles, et Moisa hobesed ega õdagu sinna samma niidu pääle wallale ollew lastu - kost neid sis hobese waht neid ära ajanu. -

Kogokonna kohto poolt moisteti:

Need kahjud - mes Brauer üles annab, ei puttu Johan Maalale midagi, - nink kogokonna kohto poolt arwati to hobene 16 Rbl wäärt olewad, - sis massab Johann Mala Brauerile pool selle hobese hinnast - 8 Rbl, - mes Johann Mala palgast Braueri manu sisse jääb. -

Kohto otsus saij kohtun käüjile 1860 aasta Talorahwa sääduse raamatu §§ 772 & 773 oppuse mööda kuulutedus, - ja Brauerile täht wälja antus - suurembat kohut käwwa. -