Kohto ette tulli Koljo pool maja peremees Johann Roose, - nink palles protokollio üles kirjotada laske, - järel tulewad: -

Tema tahab oma Koljo pool majale, kos seeni ajani üts rehedare neil Ado Oinagofiga ütte om olnu - nüüd sel een tulewal talwel ütsinda esi oma jaos üts rehetare üles tetta, - nink soowip sis, - et ega üts Ilmjerwe peremeestest temal selle maja tarwis awitasi sel eentulewal talwel neli palki wälja wedada awitasi; - pääle selle tahta tema ka - kellel ühigi sääduse perra peremeeste poolt maja ehitose tarwis palgid tulewa wedada - ega ütte täis majale - oma poole arwo päält neli palki wälja wedada. -

Seda Johann Rose soowimist, - selle põhja pääl, ni kui Roose esi om soowinu, mes protocolli om kirjotedu, - wõttis kogokonna kohus hääs kitta, - ja seda wiisi kinnitada:

Kui Koljo Johan Roosele ega peremees Koljo poole maja pääle neli palki wälja toop, - sis peap Johann Roose ka ega talole - kos wastsed rehe tarre tulep tetta - Koljo pool talo päält oma jao eest 4 palki wälja wedama.