Kohto ette tulli abi kohtomees Adam Uibo nink kaibas, kui tema poolepa mees nink weli Hindrik Uibo olewad aastal 1868 Tartust tullen heeringid warastanu; - kaa olewad Hindrik Uibo temal Taoste sisest rahkid warastanu. -

Pääle selle kaibas Adam Uibo, et Hindrik Uibo olewad poolpäiwa õdongul sel 21 Aprillil kottun lärmitsenu ja tahtnu akna kruute sisse pessa. -

Hindrik Uibo kutsuti ette, nink ta kostis küsimise pääle, et tema ei ollew mitte 1868 aastal Adam Uibol heeringid warastanu; - aga poolpäiwa õdangu lärmitsemist es woi Hindrik Uibo salgata.

Weel andse Hindrik Uibo üles, et ülemullu - ollew Adam Uibo Soe kõrdsi mant ütte warsa warastanu, - mes Adam Uibo salgata es woi. -

Selle pääle moisteti:

Et Adam Uibo seda warguse asja nii kauges om jätnu, - nink et ta esi ka toda warsa om warastanu - peap ta selle asja poolest rahul jääma, - aga Hindrik Uibo, - et tema poolpäiwal majan lärmi tennu, nink ka, - et tema warguse asjust puhas ei saa olema nii kui pühajärwe meeste hobese riistu wargust tema pääle arwatas- saap kogokonna kohto poolt 30 witsa lööki karistuses.

Kohto otsus saij kuulutetud 1860 aasta Talorahwa sääduse raamatu §§ 772 & 773 oppuse mööda, nink Adam Uibole täht kätte antus; suurembat kohut käwwa. -