Wanna Koijola koggokonna kohtun Wissen sel 20nel nowembril 1878

Man olliwa kohtuwannemb M Kurwitz

                    kohtumees Jaan Plak

                     kohtumees Karel Tobrelutz

Hindrek Oja kaipap Jaan Kangru päle et Jaan Kangru tem(m)a hainu tukkew rugga, mes tem(m)a sällaga Jaan Kangro nido päle kandnu; ärra winu; nõwwap 4 rbl. sis om rahho. -

Jaan Kangro wastutas: Hindrek Oja olli minno naise essa nido ättal ilma lubbata ärra tennu ja saije löutus, et hain tettu ja teggija teedmata; sis tõije minno naise essa om(m)a haina ärra ja nüüd saap weel kuulda, et Hindrek Oja sedda kurja tööd om tennu; nõwwa et tem(m)a om(m)a haino es pea mitte läbbi minno kaswo mõtsa kandma ja minno nido haino ka tetta tälle kohto trahwi." 

Kohtomees Karel Tobrelutz and tunnistust:"Suggu kül olli Jaan Kangro nito tettu; ent nipaljo haino es woi säält Jaan Kangro sada, ni kui Hindrek Oja olli rukka pandnu."

Moistetu: Et Hindrek Oja tõise haina maa päle om(m)a tettu haina om widdanu ja weel ka säält hendale manno tennu ilma perremehhe lubbata; sis woise Jaan Kangro essa ka ne haina tuwwa; sest et tem(m)a niit olli ka nidetu. -

Otsus: Saap Hindrek Oja kaibus tühjas arwatus. -

Kohtokäüjile otsus ette loetu, suremba kohto käümisse sädus § 772, 773 n. 774 perra kulutedu. -

                         Kohtowan(n)emb, M .Kurwitz  XXX

                          Kohtomees, Jaan Plak  XXX

                                      "         Karel Tobrelutz  XXX

                                       Kirjotaja, J. Käis