Kohto ette aste Hindrik Birkenbaum, nink andse järelsaiswad kohto asja - wasta Matsi peremeest Albrecht Asserust - ette. -

Aastal 1868 ollew tema naise esa Matsi wana Michel Maala Magasi wõla sisse sadanu, sis ollew Sangastest Albrecht Asserus tulnu, nink Michel Maalad nakkanu petma, ja meelitama. - sis ollew Michel Maala oma Matsi maja Albrecht Asserusele ära andnu, - ja Albrecht Asserus om sis Michel Maala eest magasi wõlg ära masnu. -

Michel Maala sugulased olessi sis küll tema wõlgo wõtnu ära massa, aga Albrecht Asserus ollew Michel Maalad niidawiisi ära meelitanu ja petnu, et Michel Maala toll kõrral üttegi sugulase juttu ei ole wõtnu kuulda ei ka üttegi sugulast selle asja man kannatanu.

Tolle ajane kohtomees Kusta Kiiwit andse üles, kui Koljo kambres ollew Kusta Kiiwit Michel Maalad käsknu perra mõttelda, sis ollew Michel Maala üttelnu: Ma ole jo terwe kuu aiga perra mõttelnu, ja tõisist sugulaisist ei saa üttegi mino awitajad, ma ei anna muile kellegi, kui Albrecht Asserusele. - Selleperast palles sis Hindrik Birkenbaum kogokonna kohut Matsi maja Albrecht Asseruse käest temale kui wana peremehe Michel Maala wäimehele - tagasi anda. - Hindrik Birkenbaum lubas kaa Albrecht Asserusele see magasi wõlg - mes tema Michel Maala eest olli masnu - temale tagasi massa, nimelt: 12 Tsetwert 10 garnist Rükki, 11 Tsetwert 53 garnist keswi 12 Tsetwert kaaro. -

Sellepääle kutsus kogokonna kohus Matsi wana peremeest Michel Maalad ette, nink sai küssitus, kui wiisi tema Albrecht Asserusele maja ära andse? -

Michel Maala tulli ette nink seletas, kui aastal 1868 ollew Albrecht Asserus teda petnu nink wiinaga jootnu, ja sis ollew tema oma maja Albrecht Asserusele ära andnu. -

Albrecht Asserus om kül tema eest Magasi wõlg ära masnu. - Albrecht Asserus ollew teda - Michel Maalad niida wiisi meelitanu ja wiinaga jootnu, et tema sis üttegi sugulase ja kaa kohtomeeste juttu ei ole wõtnu kuulda. - Tema ollew kottun Maja ära lubanu, sis olewad Albrecht Asserus tema pääle wõtnu, ja kihelkonna kohtude sõitnuwa, - sääl kauba kihelkonna kohtu man ära tennuwa, ja sis õkwa kihelkonna kohtust Tartude sõitnuwa. - Kihelkonna kohto man tettu kauba leht ollew Albrecht Asseruse kätte saanu. - Kihelkonna kohto man ollew sis leppitu, et Albrechht Asserus matsi maija ennegi niikawwa peap, kui Michel Maala nooremb poig Johann Maala 21 aastat wanas saap, sis ollew lubanu Albrecht Asserus Maja Johann Maala kätte tagasi anda. - Temale hendale - Michel Maalale ollew Albrecht Asserus lubanu Armuleiba anda, seni kui elap, - pääle selle weel lubanu anda ega aasta 3 wakkala maad nurme, aida kartofli ja kapsta maad, pääle maa weel ega aasta 10 wakka rükki, ja egas pühis ega aasta 1 wak nisse. aga selle leppingo perra ei ollew tema enamb saanu kui edimätse aasta 10 wakka rükki ja 1 wak nisso, nink edimätse aastal ollew maad ka saanu; aga tõisel aastal ollew ta sulane olnu nink ei ollew sis sulasegi palka saanu, nink kolmandal aastal ollew tema kaa weel sulane olnu, aga et Albrecht Asserus midagi oma lubamist ei ole täitnu, et ta wiimatsel aastal oma lubamist midagi ei ole andnu, siis ollew ta Albrecht Asseruse mant ära tulnu. - Wiimselt andse kaa weel Michel Maala üles, et Albrecht Asserus tema käest kaa kiik kraam on ära petnu, nink ei ollew midagi masnu, nimelt: üks ruun hobene 40 Rb, üks mära hobene 30 Rubl. üts lehm 20 Rbl; tõine lehm 15 Rubla, 2 pullikest 30 Rubla, 2 Zikka 20 Rubla, üts puu wankri 3 Rubla, üts adder 1 Rb 50 kop, 1 kirst 2 Rubla, 1 pada 5 Rubla, 11 planki 5 Rbl 50 kop. 1 Regi 3 Rubla, 3 paari jalasit, 1 Rbl 50 kop. 2 lehma nüssa 10 Rubla 8 wilja kotti 8 Rubla. - Summa 194 Rubla 50 kop. -

Tema - Michel Maala palles kaa, et tema ennine Matsi maja Albrecht Asseruse käest tema wäimehele Hindrik Birkenbaumile ära antus saassi, sis woiwat tema kaa sääl wäimehe man elada; - aga nüüd ei ollew tal kosgi elo asend. -

Selle pääle kutsuti Albrecht Asserus ette, nink sai tema käest küsitus seda leppingo lehte mes kihelkonna kohtu man om tettu ja tema kätte antu, - sis kostse Albrecht Asserus, et tema käen ei ollew üttegi leppingo lehte, - enge neide lepping on kihelkonna kohton raamatude sisse kirjotedu.

Et nüüd matsi wana Michel Maala oma maja mitte sääduselikul wiisil ei ole oma sugulaisisile andnu, enge petlikul wiisil Albrecht Asserusele, ja et Albrecht Asserus Michel Maalad meelitamise ja petmise wiisil olli henda poole hoitnu ja teda wiinaga jootnu, nink nii wiisi maja saanu, ja et nüüd Albrecht Asserus oma lepingut ei ole pidanu, nink et õiguse perra sugulaisil oles olnu maja saija, - sis sai kogokonna kohto poolt 

moistetus:

Et Albrecht Asserus peap Matsi maja sel 23 Aprillil 1874 wana peremehe Michel Maala wäimehele Hindrik Birkenbaumile tagasi andma. -