Kohto ette kaibas Jaan Elpus, et Kikka talo peremees Johann Weski olewad teda sel 12 Januaril Oro kõrdsin kõrwo mööda ilma asjanda pesnu pimedan ja kübara ära wõtnu. Sis ollew tema tahtnu kodo söita, aga Johan Weski olewad hobese suuweerest kinni wõtnu ja ei ole teda sõita lasknu. Sellepääle olewat Jaan Elpus jalksi nakkanu ilma kübarada kodo minema, nink om saanu üle Oro silla Kanzo talo poole keset mäkke, kui ütte kõrraga olewad temal katts meest takkas järgi tulnuwa, teda maha löönuwa, - ja hirmsal mõrtsuka wisil teda suurte nuijega pesnuwa. - Tema - Jaan Elpus - olew kül neid mehi pallelnu, - aga ei olewad sest midagi kullelnuwa; - naad pesnuwa iks hirmsaste teda; - pesnuwa ka rusikuga silmi mööda ja kisknuwa küüstega suud, - ni et tema ollew neide käen werine olnu. -

Wiimate ollew tema appi röökmise ja neid pesjid pallemise pääle Kanzolt kats meest sinna tulnuwa, - sis olewad ka tema pesjad teda pool koolus pessetult maha jätnuwa, ja mant ära lännuwa.

Tema - Jaan Elpus olewad sis ni ära pessetus saanu, - et tema ei olewad tundnu neid katte teda pesjid mehi. - Wiimati olewad tema teeda saanu, et ne kats appi tulijid mehi Kanzolt olnuwa Kanzo sulane Jakob Wassil, ja Johann Orik; - nee olewad sis temale üttelnuwa, et no pesjad olnuwa: Kikka talo peremees Johann Weski, ja Oriko talo sulane Karl Adder.

Sellepääle kutsuti tunnistajid ette.

Jakob Wassil tunnistas, - et Johann Orikuga ollew nemad mäelt Kanzolt kuuluwa hädaliko pallemist ja appi kutsmist, - sis olewad tema Johann Orikoga sinna lännuwa ja tema - Jakob Wassil - om nännu. kui Kikka Johan Weski olewad Jaan Elpust jalgu pitti edesi wedanu ja pesnu ja Karl Ader ollew ka sääl olnu. - Tema - Jakob Wassil olew Karl Adra juussid pitti kinni wõtnu, et ta ei saassi ka enamb Jaan Elpust pesma minna; - aga Karl Ader ollew hennast tema käest wallale tõmmanu, ja ka sinnä manu lännu kos Kikka Johan Weski Jaan Elpust, pesnu. Jakob Wassil nakanu mant ära alla kõrdsi poole minema; - sis ollew Kikka Johann Weski ja Karl Ader ka perra tulnuwa, ja tema Jakob Wassil - ollew nännu, et Jaan Elpus jäänu pikkali sinnä maha.

Johann Orik tunnistas. - tema ei ollew julgunu enamb sinnä lähikeste minnä, om aga kawwest nännu, kui mõlembil olnuwa nuija käen ja pesnuwa Jaan Elpust; Jaan Elpus ollew kül neid pallelnu; - aga sest ei ollew pesjad midagi hoolnuwa. - Pesjad ei ollew kumbgi häält tennuwa, - selle perast ei ollew tema neid tundnu; - enamb ta ei teedwad. -

Peedo Peterson tunnistas: tema ollew kõrdsin maganu ja ollew läbi une kuulnu, kui Jaan Elpus ollew kõrdsin rööknu. -

Sis ollew tema üles tulnu ja kõrdsi wöörusi lännu, - ja Kikka Johan Weski ollew temale - Peedo Petersonile - ruskuga rindo löönu. - Peedo Peeterson ollew üttelnu: "misperast sa minno lööt"! - sis ollew Johann Weski üttelnu: "Ole waik, ole waik, ma mõtli Jaan Elpuse olewad;- ma osta sulle poole nakla wiina"! - enamb ta ei teedwad. -

Et Jaan Elpus selle Kikka Johan Weskist ja Karl Adrast pesmise läbi oma terwüsele wäega suurt kahju ja haiged om saanu, - nii et tema sinitses pessetud silmad ja küüstega lahutu palge nägo seda näitawa, sis saÿ wiimati kogokonna kohto poolt 

arwatus:

Et Jaan Elpust oma kaibuse asjaga selle Protocolliga ütten Talorahwa 1860 aastsse sääduse raamatu § 1049 perra Keiserliko Tarto maakohtode peap sadetama; - selle palwega: - Et selle walla Kikka talo peremees Johan Weski ja Karl Ader säält poolt oma, tee pääl mõrtsuka wiisi kakeluse tegemise ja Jaan Elpust nii hirmsaste pesmise perast sääduseliko trahwi ala tõmmatus saassid. -