Kogokonna kohtule om kaibus ette pantu, et Rätsep Johan Orrik oma wiina joomisega hoopis hukka om lännu, -ütte wiisi kõrtse mööda joop ja lärmitsep, pääle selle weel kakkelnu, - nimelt minewa Reede Ilmjerwe kõrdsin, -ni kui om tunnistedu - om tema nakkanu kaklema, lärmitsema, - ja lahknu kõrdsi lawwa ära ja tahtnu kiiki kõrdsi klaase purus pessa, kui mitte Peter Wäär, Michel Maala ja muid ei oles' sääl ollu. -

Selleperast et Rätsep Johan Orrik minewa Reedi oma täüs joobnu pääga Ilmjerwe kõrdsin muid inemisi pesse, - saiwa ta käed kinni köudetus, - nink et ta kässika es sa kakkelda, - om ta nakkanu jalguga kiiki muid inemissi pessma, nink et ta kellegi ei oles saanu kahjo tetta, - om tema saanu köidetult Ilmjerwe kogokonna kohto maija wangi kambrede kohto päiwani wangi pantus, nink saÿ se asi sis täämba kogokonna kohto ette wõetus ja ära moistetus niida wiisi:

Et Rätsep Johann Orik seeni ajani om oma joomisega kül hukka lännu, aga selleperrast weel es ole kohto ala tulnu, - et kül temale jo oles ennemba tarwis karistust olnu, - siis saÿ tema nüüd esimest kõrda 1 Webruarist s.a. joomise perast türmi pantus, - nink et tema täämbani 5 ööd ja päiwa om oma kurja tekko perast kinni olnu, ja perra mõttelnu, - nink et se temal kogokonna kohto poolt weel edimane trahw om olnu, - sis saÿ kogokonna kohto poolt kinnitedus:

Rätsep Johann Orik ei tohi konagi kõrdsin lärmitseda, ei ka mitte muijal lärmitseda ei ka kakkelda; - oma kanged wiina joomist peab ta wähembale jätma ja omma ello kiige pidi parandama. -

Kui peas kas kostki poolt Rätsep Johann Oriko üle wiina joomise - ja kaklemise perast siin kogokonna kohto man kaibust tulema, sis saab Rätsep Johann Orrik ilmajawiitmada 30 witsa lööki trahwis

See täämbane kohto otsus ja moistus tettas ega kõrd ses sääduses Rätsep Johann Oriko pääle, kaklemise ja joomise kaibuse üle. -

Et see eagkõrd niida saap kindmaste peetus, ja Rätsep Johan Oriku ette tulekil kõrral ära täidetus, sis saab seda kogokonna kohto poolt kinnitedus.