Protokolli N 69 manno

Kutsmise pääle olliwa ette tulnu Loosi mõisa walitsuse eest herra von Drewnik ja Jaan Lõhmus nink wiimane and wastust, et tema mitte üteki pedajat mõisa mõtsast ragonu ei ole, ent tema palke ligi olnu kül üts peddai toodu kelle ragojat tema mitte ei tija.

Wannutedu mõtsa waht Peter Puusep and tunnustust, et se pedaja palk olnu kül Lõhmusse palke man, ent ragomise mant ei ole tema mitte Lõhmust kätte saanu.

Selle pääle es ütle kohtun käuja ennamb midagi ütlemist ollewat, sis

Mõisteti

Seda kohtu asja puuduwa tunnistuse perrast tühjas tetta.

Se kohtu otsus saije kohtun käujile kuulutedus ja §§ 773, 774 perra ära selletetus.

kohtumees Andri Lõhmus [allkiri]

       "            Andri Fluss [allkiri]

abi    "         Petre Zeno [allkiri]

Kirjotj.: J.Kirrop