Kohto manu tulli Ilmjerwe moisa rendi herra Beitler ja tema kats kandimeest Jaakob Ader ja Johan Ilwes kroono mõtsast moisal ära ostetu mõtsast kõiwo puije warguse perast, mes kohtomees Jaan Luig kantnike kotton puid olli üle kaenu, mes kantnikud ollid warastanu. -

Johan Ilwes ja Jakob Ader es woi salgata, et nood warastetu puud olliwa mes kohtomees Jaan Luig om üle kaenu, ja es ütlewa tohtwad tood paika kogokonna kohtule ära üttelda, kost noo puud olewad warastedu, - selleläbi tulewad nema suure häda sisse. -

Et Kantnikud Jakob Ader ja Johan Ilwes noid puid ommawa warastanu, nimelt et nemad ei tohtwad üles üttelda ei ka kandu näidata kost om warastedu, sis om awalik, et nema omma Moisal ära ostetu mõtsast varastanu,

sis moisteti:

Jakob Ader ja Johan Ilwes peawa nood puud - mes pää kohto mees Jaan Luig om üle kaenu - moisale kohtomehe Hindrik Leiteri manolemisen hommen moisale tagasi wiima, ja massawa kumbgi 8 aprillil s.s.a. warguse eest 50 kop hõbb trahwi laadikude. -

Kui 8 Aprillis ära ei ole mastu. - sis saawa kumbagi 20 witsa lööki. -