Kohto man kaibas Ado Tuula, kui Hindrik Luht - kelle man tema ülemullu aasta karjan om käinu, ei ollew temale edimatse aasta eest midagi palka masnu, tõise aasta eest - kui pääraha olli massa, ollew Luht päraha kül masnu, aga edimätse aasta eest ei ole midagi saanu. - 

Ta palles kogokonna kohut, et Lucht temale edimatse aasta palgas ka ni paljo massassi, kui tõise aasta päraha olli, se om 392 kop. -

Hindrik Lucht ütles, et edimätse aasta ei ollew tolle perast mastus saanu, et Tuula ollew tal 1 pada - 3 Rubla wäärt - katski löönu; mes Johan Ilwes ka teedwad. -

Johan Ilwes ütles, et Ado Tuula kül es löö, enge Ado Tuula om pandnu willkopa paa pääle kuijuma, wilkop om maha sadanu, ja paa katski löönu; to pada ollew jo wana olnu. -

Ado Tuula ütles ka, et willkop om paa katski löönu, aga mitte tema. -

Et to pada Johan Ilwese wälja ütlemise perra jo wana om olnu, - sis sai kohto poolt arwatus, et to pada 2 Rubla wäärt olli, nink sai niida

moistetus:

Et Ado Tuula willkopa kuiwama pandse paa pääle, ja willkop paa katsgi lei, sis tulep se kahjo pooles, - 1 Rub jääb Hindrik Luha omas kahjus, ja 1 Rubl jääb Ado Tuula kahjus. - Hindrik Lucht peab Aado Tuulale see peramätse aasta pää raha massu perra ka edimetse aasta palgas 392 kop. masma. - aga se 1 Rubl. - mes Aado Tuulal Hindrik Luhale selle paa eest massa om - siist maha, - jääb perra 2 Rub 92 kop. nink peab Hindrik Lucht sis Aado Tuulale 2 Rub 92 kop. 22 Aprillis s.a. ära masma. -

Kohto otsus kuulutedi §§ 772 & 773 oppusega.