Soldat Kustaw Ilwes kaibas, kui temal ollew Johan Moruski käest

Annemoisa koa tegemise tööd raha saada                            8 Rubla

ja kewajatse Annemoisan laudo lõikamise eest om saada  2.  -

                                                                                           -----------------

                                                                                    Summa - 10 Rubl.-

Need 10 Rubla ei tahtwat Johann Morusk temale ära massa, ja too palles kogokonna kohut, et Johann Morusk saassi sunnitus temale ära masma.

Johann Morusk kutsuti ette, ja ta ütles, et Kusta Ilwes om temal to koa tegemise man päiwi ära wiitnu:

7 päiwa usse säädmise aigo a' 30 kop   -   2 Rub. 10 cop.

10 päiwa sügise a' 20 kop                       -    2    -     "     -

                                                                   -----------------

                                                        Summa    4 Rubl. 10 Cop.

seda ei wõiwat tema Kusta Ilwesele massa. lawwa raha olewad kiik ära mastu, - sest lawwa nööri lõikus ei olewad nii kallis olnu, kui Kusta Ilwes arwas; - mes om massa olnu, olewad mastu. -

Sellepääle moistse kogokonna kohus

I Kui Kusta Ilwes oles ka to koa manno ära wiidetud päiwad töön olnu, sis ei oles Johann  Moruskil mitte nii pikas sääl aig lännu, sis moisteti to kahjo pooles, ja 2 Rubla 5 Kop hõbb. jääp Kusta Ilwessel koa rahast 8 Rublast päiwi wiitmise eest maha, ja Johann Morusk peap päälis raha 595 kop katte nädali sisen Kusta Ilwessele ära masma.

II Lawwa lõikus nööri hinna perast mingo mõlembad Anne moisa walitsuse manu hinda perra küsima, - ja sis seletago henda wahel; - kui sis õiges ei saawa, sis tulgo kogokonna kohto manu. -

Et Johan Morusk odawamb, ja Kusta Ilwes kallimba nööri hinna ütles olewad, sis es woi selleperast kogokonna kohus neide wahel midagi seletada. -

Otsus kuulutedi §§ 772 & 773 oppusega,