Lokomärdi peremees noor Hindrik Leiter kaibas, kui Tõudsi peremees Jaan Reedi om lasknu omal karjal timawane suwi üle tema kaso mõtsa käwwa, ja karjussed olewad ka 2 kõiwo ära koornuwa.

Ta nõwwap selle kiige eest kokko Jaan Reedi käest 10 Rubla kahjo tasumist.

II Tõiselt: Jaan Reedi oma koer olla temal oina ära murdnu, sis ollew Jaan Reedi tema - Hindrik Leiteri Oina kottust ära wiinu ja üttelnu oma oina olewad. Tema Hindrik Leiter nowwap to oinas tagasi, ehk masko Jaan Reedi to oina eest temale 2 Rubl. hõbb.

III kolmandalt: kaibas Hindrik Leiter, et Jaan Reedi koerast murtu lammas olewat jälle tema karja platsi pääle nii õhukeste mattetu, kost jälle Jaan Reedi oma koer ka tood lammast maa seest wälja om kisknu ja Leiteri karja platsi jäetu, kost mõni halw külge nakkaw tõbi karja sisse wõida juhtuda. -

Hindrik Leiter palles kogokonna kohut, neid temast sisse kaiwatu kaibustega Jaan Reedit wastu - sääduslikult tallitada. -

Sellepääle saij kogokonna kohto 

poolt otsusses antus ja moistetus:

I Jaan Reedi karjal Hindrik Leiteri mõtsa ja karja maad sõkkutud kahju kaeb kohtomees Juusalauri Hindrik Leiter üle, ja saap tõine kohto päiwal ette wõetus ja seletedus: -

II Jaan Reedi ütles, tal ollew oinas kadunu, nink naine om sis to oina Lokomärdilt toonu, ja ütelnu oma oina olewad; Hindrik Leiter ütles, to om tema oinas olnu, nink nüüd om tema ilma oinata, - sis moisteti: et üts oinas om katte wahelt kadunu, ja tood käen olewad oinast nüüd mõlembad Reedi ja Leiter - omas ütlewa - tunnistajat ei ole, ja Leiter nõwwap ommeti Reedi käest 2 Rubla, selle et to käen ollew oinas nüüd Reedi käen om, sis peap wiimate see - kellele oinas jääp - tõisele 1 Rubla hõbb, ja olgo mõlembad sellega rahul.

III Et tost wälja kraabitu lambast seeni ajani üttegi tõbbe ei ole Leiteri karjale sündinu sis es arwa kogokonna kohus Jaan Reedile seokõrd üttegi trahwi; Hindrik Leiter jäägo ka rahul. -

Kohto otsus kuulutedi kohtun käüjile 1860 aastase Liwlandi Talorahwa sääduse raamatu §§ 772 & 773 oppusega