Kohto ette tulli kaibusega Lokomärdi talo pois Karl Leiter, nink kaibas, kui tema perremees nink weli teda ilm asjanda piitsa warrega ollew päha pesnu, nink ka 15 kõrd sälga mööda löönu. - Tema - Karl Leiter ollew Warsa wärete külge kinni köitnu, wars om tõmmanu wärre perra ja lännu muru pääle; - seesama olnu ta süüd; - ta nõwwap Hindrik Leiteri käest ega löögi eest 25 Rubla. = Summa 375 Rubla. -

tunnistaja Jaan Leiter wõida ka tunnistada et ta ilma süüta om pessa saanu. -

Jaan Leiter kutsuti ette ja ta ütles, et Karl Leiter om warsa wärraja külge kinni köitnu, ja wars om wärraja perra wõtnu nink murro pääl kõndnu. - Seda ollew peremees Hindrik Leiter nännu nink om sis Karl Leiteri käest piitsa wõtnu ja löönu kül kas arwata 15 kõrd Karl Leiterile. -

Hindrik Leiter kutsuti ette ja ta ütles, et tema weli Karl Leiter wäega wasta paneja olewad, - midagi kästawad ära ei tallita; - nink nüüd - kui Wars wäraja perra om wõtnu, ollew tema - Hindrik Leiter - Karl Leiteriga selleperast nurisnu, sis om Karl Leiter kiwi maast wõtnu, ja tahtnu talle lüwwa, sis kül om Hindrik Leiter Karl Leiteri käest piitsa wõtnu ja löönu, - seeni kui Karl Leiter kiwi käest maha wiskanu. -

Karl Leiter ütles, ta ei ollew weel kiiwwi maast wõtnu, enge ähwardanu kiwwi maast wõtta. -

Selle pääle saÿ kogokonna kohto poolt

moistetus:

Kui Karl Leiter Hindrik Leiterile wasta pandja om nink sõna ei kuule, sis oles pidanu Hindrik Leiter seda kohtule kaibama, aga mitte esi trahwma. - Et Hindrik Leiter Karl Leiterid 15 kõrd piitsaga om löönu, nii kui Jaan Leiter tunnistas, - sis peap Hindrik Leiter Karl Leiterile 3 Rubla löömise eest 14 pääwa sisen masma. -

Et Karl Leiter Hindrik Leiteri sõna ei taha kuulda, peap ta 1 Rubla selle eest trahwi kogokonna laadikude 14 päiwa sisen ära masma.

Kohto otsus kuulutedi kohtun käüjile Talorahwa 1860 aastase sääduse raamatu §§ 772 & 773 oppusega, Karl Leiterile täht wälja antus suurembat kohut käwwa.