Wana Koiola kogokonna kohtun Wissel, sel 2. januaril 1879.

Man olliwa: kohtowannemb Mihkel Kurwitz

                     kohtomees Jaan Black

                            do          Karl Tobrelutz

Jaan Hermitz kaibap, et Johan Wana om teda trotsnu, nink karmani wargas soimanu - nõwap sääduse trahwi. -

Johan Wana wastutas, et tema om kül üttelnu, selle perast et temal Orike laadult tullen om üts kõrd piip ärra kaonu, mes Jaan Hermitz käen om

Jaan Hermitz wastus selle päle et see ei ole mitte Johan Wana piip olnu. -

Jaan Mäots and tunnistust, et see piip mes ara kaonu, om tema man olnu kui Johan Wana otsnu, muud ei tiija tema midagi üttelda. -

Moistetu: Et Johan Wana esi om wälja tunistanu, et tema Jaan Hermitz karmani wargas sõimanu, istup Johan Wana selleperast kats ööd päiwa kogokonna türmin. 

Kohtokäüjile otsus ette loetu, suuremba kohtokumise säädus § 772, 773 n. 774 perra kuulutetu.   Ära lepnu

                  Kohtowanemb Mihkel Kurwitz

                  Kohtomees Jaan Black  XXX

                            do      Karl Tobrelutz  XXX

                             Kirjotaja P. Black