Wana Koiola kogokonna kohtun Wissel, sel 2 januaril 1879

Man olliwa kohtowanemb M. Kurwitz

                   kohtomees Jaan Plak

                             do       Karl Tobrelutz

Peep Tobre kaibap, et Josep Kade om temale Lutzu kortsen päha lönu nii et pää saina wasta joosnu, nink pääle selle om weel rindo löönu nink raputanu, nõwwap selle pesmise eest 50 rublat, ja weel et tema trahwitus saas. -

Joosep Kade wastutas, et Peep Tobre om lubanu Jaan Lakkakut maha laske, nink teda wargas sõimanu, ent löönu ei ole, rindo pitte om kül kinni wõttnu nink rapputanu.

Peep Tobre ütles, et tema kedagi ei ole laske lubanu, ent seda om kül üttelnu, kui keaki warga ööse mino usaeja pääle tulep, neid lubasi mina laske. -

1 Tunistaja Jaan Teppo and üles et löömist, ei ole nännu, ent Joosep Kade om temale esi üttelnu: kui minno trotsitas, sis mina anni kül Peep Toobrele, ka üttelnu et warast mina kul oma usaeja pääl lase.

2 tunistaja Johan Soe ütles wälja, et Lutsu kortsi läwe pääl om Joosep Kade Peep Tobre kinni wõtnu, nink kõrwo pitte löönu nii et Peep maha satte, ent Peep Tobre ei ole Josep Kadet mitte sõimanu.

Mõistetu: Et katte tunistaja wälja ütlemise pääle, et Joosep Kade Peep Tobret löönu nii hirmsast, et tema maha sadanu, nink Josep Kade esi ka tunistanu Peep Tobret kangest rapputanu olewat.

Otsus: Massap Joosep Kade Peep Tobrele 4 nädali sissen 15 rbl walu raha, nink istup 3 päiwa kogokon(n)a kohto türmin.

Kohtokäüjile otsus ette loetu, suuremba kohtu kaumise säädus § 772, 773 n. 774 perra kuulutedu.

                   Kohtuwanemb, Mihkel Kurwitz

                    Kohtumees Jaan Black XXX

                    Kohtumees Karl Tobrelutz  XXX

                             Kirjotaja P. Black

Kumbgi ei ole selle otsusega rahu, sai molembale opus leht katte antus. -