Kohto ette tulli Johann Urm ja kaibas, kui temal olewad Juusalauri talon ära koolu welle käest kes sääl peremees olli - maad renditu 20 Rubla eest, ja nüüdne peremees Karl Juust ei tahtwad tood jago maad mes tema käen olli - nüüd tolle rendi eest temale annda. - Tema lääwat paremb säält ära, aga Karl Juust ei tahtwat temale tema kiike maad kätte anda. - Sis palles Johann Urm, et kohus moistassi, et Karl Juust temale kiik maa weel kätte annassi, ja ka to kiik sõnnik ja sõnniko jago maad - niipaljo kui temal sõnnikud om.-

Karl Juust kutsuti ette, ja ta ütles, et Juhan Urm om Rentnik ollu - om Renti kallis põlgnu, ja ära lännu, mes perast pruukwat ta sis Johann Urmil e weel maad kiik takast järgi anda.

Karl Juust seletas kohto een, et Johann Urm om talu laudast toll kõrral sõnniko saanu, ja om jo sügise röa enne ette ära tennu,- kui ta kewade rendi pääle saÿ. Om saanu alustus otsan ka talo röa kõrre nurmest röa kõrt keswa tetta ja ka edimalt maad - sõnniko pääle wedada. - Et nüüd Johann Urm om säält ära lännu kalli rendi põlgmise perast, - sis tema - Karl Juust - ütles, et tema lubawat ka nüüd weel Johann Urmile takast järgi anda - et ta kül om ära lännu, nimelt: Juusalauri talo nurmest 1 wakkala rükka, Augusti kuul, 1 wakala röa kõrt nüüd kewaja Johann Urmile tõu maha tetta, - 1 wakkala kesa maad sõnniko pääle wedada, ja Johann Urmile sõnnikud nii paljo kätte - kui wakala maa pääle sõnnikut ära kulup. - Kiike sõnnikud Johan Urmile kätte anda, tema - Karl Juust ei woiwat, sest Johann Urm ei ole jo wäljast midagi sisse toonu. - Kiige sellega ei olla Johann Urm mitte rahu ollnu, enge tahtnu kiik maad - Rükka - haina maad, sõnnikut etc: täwweste takast järgi saada, et ta kül säält om ära lännu. - Karl Juust ütles mõistmata olewat, mes põhja pääl Johann Urm kiike oma jago maad etc: weel kätte taht kui ta om jo ära lännu, sest Johann Urm olli jo Rentnik, aga mitte sulane, sest sulasele om säädus, tema sita maa iks käte anda. -

Selle pääle mõiste kogokonna kohus:

Kui Karl Juust om jo lubanu Johann Urmile weel kätte anda:

1 wakala rükka,

1 wakala röa kõrt,

1 wakala kesa maad ja

sõnnikud nii paljo, kui parajalt 1 wakala maa pääle ära mahup, sis peap Johann Urm sellega rahul olema, - sest kui rentnik ära lähap, ei woi temale ommeti kiiki nurmi - mes ta käen rendi pääl om ollen - takast järgi anda. -

Kohto otsus kuulutedi kohtun käüjile Talorahwa sääduse raamatu §§ 772 & ct. 773 opusega, Johann Urmile täht wälja antus, suurembat kohut käwwa. -