Hans Pallaw kaibas, et Kauro Jaanil olew temale 3 Rubla massa ollu, ja Kauro Jaan Oinasgof ollew temale ütelnu, et to raha ollew kirjotaja kätte ära mastu. Kirjotaja ütles, et tema kätte ei ole keaki raha masnu. - Sis nõwwap Hans Pallaw, - et Kauro Jaan to raha 3 Rubla kogokonna kohto sundmise läbi peassi ära masma. -

Kauro Jaan Oinasgof kutsuti ette ja ta ütles küsimise pääle, tema ollew Hans Pallawale to wõlg 3 Rubla Wiedriki Kauzi kõrdsi man ära masnu talwel. - Hans Pallaw ütles, et ta om suur wõls, - tema ei olla Jaan Oinasgofi käest mite kopikut saanu ja om to raha weel prõlla masmada. -

Kauru Jaan Oinasgof es woi ütegi tunnistajid ei tunnistust anda, et ta olessi to Hans Pallawale ära masnu, - selle perast kogokonna kohto poolt

moistetus:

Kauro Jaan Oinasgof peap to raha 3 Rubla Hans Palawa eest - 10 Nowembrini s.a. Ilmjerwe kogokonna kohto manu ära masma, sellest Hans Palawal om 47 garnist Rüki wõlgo Ilmjerwe magaside. -

Kohto otsus kuulutedi kohton käüjile 1860 aastasde Liwlandi talorahwa sääduse raamatu §§ 772 ct 773 oppusega. -