Tiksi David Lattik kaibas: "Juli Wentra om minno käest 1 Rbl. käerahha wasta wõtnu Talwiste pühha perrametsel päiwal, nink toodi se käerahha sel pühhapäiwal perran Talwistepühha jälle taggasi. 

Juli Wentra tunnistab õige ollewat, et temma 1 Rbl. käerahha om Tiksi David Lattika käest wasta wõtnu, ent emma tahtmisse perra om temma käerahha taggasi weenu. 

Juli emma Marri Wentra om päle wastse-aasta Hinni Juk Wallneri manno henda ja ka omma tüttard Juli teenistuste leppinu, nink henda eest 1 Rbl. ja ka tüttre eest 1 Rbl. käerahha Juk Wallneri käest wasta wõtnu.

Otsus.

Et Juli Wentra ilma emma teedmata om Tiksi David Lattike käest käerahha wasta wõtnu ja taggasi andnu, peab Juli Wentra emma Marri leppingu perra Hinni Juk Wallneri manno teenistuste minnema.

Marri Wentra massab selleperrast 1 Rbl. trahwi waeste ladiku hääs, et temma David Lattik'et siin kohto een roppu sõnnatega trotsnu om. 

(Se trahw 1 Rbl. om Marri Wentra sija ärra masnu).

Neide kohton käujatele omma ne L. T. S. §§ 772, 773 ette loetu. 

Päkohtomees Märt Lüüs XXX

Kohtomees Karl Wernik XXX

  "  Juk Hansi XXX

  "  Peter Treumuth XXX