Märt Piir kaibas, et minnewal neljapäiwal õddakult Markuse Linnert Lipparti tallo ussaija pääl temma hobbese hand om ärra lõikatu, ja Kusta Martin ollewat arwata selle hobbese hanna ärra lõikanu. 

Kusta Martin andse selle Märt Piiri kaibusse päle nidate kostust: "Minna sedda häbbematta kurja ei olle tennu. Se om õige, et selle kottusse pääl kun Märt Piiri hobbene saisse, hobbese hanna jõhwe maan olliwa, sedda näggi Linnert Lippart ja ka Märt Piir."

Tunnistaja Ewa Kroon andse nidate tunnistust: "Kui minna tarrest wälja tulli, sis näggi minna, et Kusta Martin Märt Piiri hobbese man olli, ent sedda es näe minna kül mitte, et Kusta Martin selle hobbese handa om lõiganu."

Otsust ei olle se koggokonna kohhus mitte anda wõinu, selleperrast et tunnistajid puduwa.

Päkohtomees Märt Lüüs XXX

Kohtomees Karl Wärnik XXX

  "  Peter Treumuth XXX

  "  Rein Mendik XXX