Johann Kilk kaibas, kui minewa pühapa om tema Jakob Urmiga sõitnu Ilmjerwe kõrdsi manu, sis om kõrdsi naine tema kübara pääst ära wõtnu wana wõla 170 kopka perast, - aga tema ütles, et temal ei ole üttegi wanna wõlga kõrdsi naisele massa. - Kõrdsi naine olla ka temale weel ruskuga kõrwa pääle löönu. - Kübara wõtmise man ollu Jakob Urm nägija, _ aga löömist ei ole keaki nännu, sest Jakob Urm olli jo ära lännu. -

Jakob Urm kutsuti ette ja ütles, kõrdsinaine ollew Johann Kilgi käest wanna wõlga nõudnu - tema kuulmisesest 70 kop ja Johann Kilk olla ütelnu, et temal üttegi wanna wõlga massa ei olle. - sis om kõrdsinaine Kilgil kübara pääst ära wõtnu. Sis om tema Jakob Urm - ära lännu ja neid sinna jätnu. - Muud ta ei teadwat. - Löömist ta ei ole nännu, ja muud tüli ei ole neil ka tol kõrral midagi ollu. -

Kõrdsi naine kutsuti ette, ja ütles et Wisela kõrdsin om jo Johann Kilk 1 Rub 70 kop tubaku eest wõlgo jäänu, ja ollew mitund kõrd nõudnu; aga Johann Kilk olla ära salganu. 

Minewa pühapa om ta jälle küsinu, ja kui Johann Kilk ei ole lubanu massa - ollew tema kübara pandis wõtnu, et Johann Kilk sis kaibasi, - mes ka nüüd om tullu. -

Johann Kilk salgas to wõlg ära, et temal ei ollew midagi wõlgo.

Mõisteti: Johann Kilk peap to wõlg 170 kop. 8 päiwa sisen kõrdsi naisele ära masnu, ja kõrdsi naine peap to küpar sis tagasi andma. -

Kohto otsus kuulutedi kohtun käüjile 1860 aastase Liwlandi talorahwa sääduse raamatu §§ 772 ct 773 opusega, ja Johann Kilgile täht wälja antus  suurembat kohut käwwa. -