Kaibas Rätsep Johann Orik, et Kikka Jaan Elpus olla teda pühapa õdango Ilmjerwe kõrdsi man ilma asjanda pesnu ja tema pää ahjo wasta lahki löönu. - Johann Orik näütas seda kogokonna kohtule, ja olli nätta, et ta pää olli rasede katsgi löödu; - juusse ja kaala rät ommawa werega, ja kõrdsinaine olla werd kinni pandnu. Tunnistajad olla; Röstust: Peeter Müllerson, ja Hans Karro; Ilmjerwest kõrdsimees Michalaÿ Kartusow, Joosti Märt Siiman ja kõrdsimehe weli. -

Johann Orik palles et Jaan Elpus selle perast kogokonna kohto poolt trahwitud saassi; - pääle selle nõwwap Johann Orik Jaan Elpuse käest hendale oma pää katski löömise eest 10 Rubla. -

Tunnistasjad: Peeter Müllerson tunnistas: tema olla Jaan Elpusega kõnelnu, ja Johann Orik om simnnä manu tullu sis om Jaan Elpus Johann Orikut ilma asjanda ahjo suu ette tooli wasta tõuganu, ja põse katski löönu. - Sis om Orik Elpusele ütelnu, mes perast sa minno ilma asjanda tõugassid: - sis om Elpus Oriko maha löönu ja pää katsgi. -

Sedasamma tunnistiwa kiik muud tunnistajad ka. -

Johann Orik ja Jaan Elpus lepsewa kohto manu ära, et Jaan Elpus massap Johan Orikule walo raha 4 Rubla hõbb. -