Kaibas Albret Asserus, et üleminewal aastal olla tema linno likko pandnu omma leotuste piiri jökke, ja tema naabri mees Michel Maala ollew ütelnu, kui too kotus jöke - ja to lina leotus - kos Albret Asserus oma lina olli sisse pandnu - olewat tema piiri sisen ja tema jago. -

Sis ollew Michel Maala kutsnu kogokonna wanemba Michel Birkenbaumi, ja kohtomeest Karl Kikkas - ja olla sis Michel Maala sulased Jaan Maala ja Hindrik Teder kogokonna wanemba ja kohto mehe Karl Kikka käso pääle tema linad leotusest wälja pillnuwa ja tema  linad lännuwa hukka. -

Kui minewal sügisel Ilmjerwe wallale kroono poolt kaart anti, - sis om maa mõõtja läbi to leotuse kotus läbi kaetu, - ja om too leotuse kotus iks Albret Asseruse maa sisen, aga mitte Michel Maala maa sisen. -

Albret Asserus nõwwap kogokonna walitsuse käest oma lina kahju 150 Rubla. -

Kutsuti ette tolle ajane kohtomees Karl KIkkas, ja ta ütles: Tema olla kogokonna wanemba Michel Birkenbaumi käsu pääle lännu ja sääl lina leost wälja paneki man saisnu, - Michel Birkenbaum  ka om sääl ollu. - Tema - Karl Kikkas - ei ollew keelnu ei lka käsknu linnu wälja panda; - ja ei ollew tema ka teednu, kas to leotus om Michel Maala wai Albret Asseruse jago. -

Tema olla ilma süüta. -

Kogokonna wanemb Michel Birkenbaum om ära koolu.

Et Albret Asserus sis - kui kogokonna wanemb Michel Birkenbaum, elli - tema pääle kihelkonna kohtun tolle asja perast es kaiba sis sai moistetus:

Albret Asserus ei woi kellegi käest oma lina leost wälja paneki perast midagi nõuda. -

Kohto otsus kuulutedi kohtun käüjile Liwlandi kubermangu 1860 aastase Talorahwa sääduse raamatu §§ 772 ct 773 oppusega ja Albret Asserusele täht wälja antus, suurembat kohut käwwa.