Selsamal päiwal kaebas Albret Asserus, kui tema olla Kauro Jaan Oinasgofile 6 wakka rükki lainanu ja Jaan Oinasgof ei maswat temale ära. -

Kutsuti ette Jaan Oinasgof, ta ütles, et tema ollew no röa wana Mihel Maalale ära masnu, ja olewad tema ka wana Michel Maala käest no röa saanu. -

Kutsuti ette wana Michel Maala ja ta ütles: Kui Albret Asserus tema käest maja wõttis, sis om Albret Asserus no Jaan Oinasgofile lainatud 6 wakka rükki tema kraamist - mes tema kraami Albret Asseruse kätte olli saanu - maha arwanu, ja olli sis Jaan Oinasgofil 6 wakka rüki wana Michel Maalale massa, ja wana Michel Maala ütles, et Jaan Oinasgof nüüd olla no röad temale ära masnu. -

Moisteti:

Et Albret Asserus Michel Maala käest maja saÿ - ja et Kauro Jaan Oinasgof om ne röa mõlembide wällja ütlemise perra wana Michel Maalale är masnu, - sis ei woi Albret Asseruse kellegi käest noid rükki nõuda. -

Kohtu otsus kuulutedi kohtun käüjile 1860 aastase Liwlandi Talorahva sääduse raamatu §§ 772 ct 773 opusega ja Albret Asserusele täht wälja antus suurembat kohut käwwa.