Kohto ette kaibas Jakob Teder, et Adam Purmask olla tema röa koti 3½ wakka rüki sisen - Urmi Rehe alt lasknu wesgi manu wija, ja ära jahwatada, nink Jaan Kaarna olla tood kotti - kui wesgilt olli tagasi toodu - ka üle kaenu. - Jakob Teder nõwwab, et Adam Purmask to röa temale tagasi annassi. -

Kutsuti ette Adam Purmask, ja to röa kot 

ta ütles, - et no omma tema oma röa ja tema oma kot, - et Jakob Teder tood kotti omas arwata - olla wõls. -

Tema olla esi kotust ära lännu, om sis enne Jaak Eegule too koti ära näidanu, Jaak Eek olla sis to koti andnu Karlsoni kätte ja Karlson om tema käso pääle to koti ära jahwatanu wesgi man, - to om tema oma kott, muil kellelgi. -

Jaak Eek kutsuti ette, ta ütles, et Adam Purmask om temal to koti ära näüdanu, esi sis kotust ära lännu, - nink tema Jaak Eek - om sis to Purmaskist temale näidatu koti Karlsonile kätte andnu - kes wesgile sõitse. -

Jaan Kaarna - kohtomees - ütles: Ta om toosama kot, mes ta om Urmil pääle Wesgilt kodo toomise üle kaenu, aga kummal to kot om, kas Adam Purmasgil wai Jakob Tedrel, tood tema ei teedwat, sest mõlemba tunnistawa tood kotti omas, - muudgui Purmasgi naine olla sis temale - Jaan Kaarnale ütelnu: "Mes Jakob läts ilma asjanda kohto mehe perra, - no röa oles talle iks tagasi antu. muud ta ei teedwat. -

Adam Purmask tõendap to kot omas, sest sääl olla wastne tema oma tettu koti kabelgi weel man, mes ta kate keerulise moisa kanepist olla tennu. -

Jakob Teder ütles, tema olla ka kanepist kabla kate keeruga - koti manu tennu, to olla tema kott. -

Kohto poolt saÿ koti kabel kaetus, nink löiti, et kabel kül kanepist tettu, enge om kolme keeruga kabel, se om sis awalik, et to kabel ei ole Jakob Tedre, ei ka Adam Purmasgi tettu, ja ei saa sis otsust, kumbal ka to kott peris om.-

Et nüüd selle asjale awaliko tunnistust es sa, kumbal to kott om, - sis saij selle pääle kogokonna kohto poolt

moistetus:

Adam Purmask om ommi rükiga to koti täüs opandnu, nink sija kohto manu toonu, - mes parhilla weel siin kogokonna kohto pääl kinni saisab, - sis moisteti, et Adam Purmask ja Jakob Teder peawa no röa säält kotist pooles wõtma. - 

Kohto otsus kuulutedi kohtun käüjile 1860 aastase Liiwi maa talorahwa sääduse raamatu §§ 772 & 773 oppusega ja kohtun käüjile täht wälja antus kost oppust saab, mes waja om tähele panna, kui keaki suurembat kohut tahab käwwa. -