Wana Koiola kohtun Wissel, sel 9.tal januaril 1879.

Man olliwa kohtowanemb: Mihkel Kurwitz

                    kohtomees Jaan Black

                        do            Karl Tobrelutz

Jaan Teppo kaibap, et temal oma suitse ära lõikutu, om ütte rihma neist Peter Lutzar käest kätte saanu, nõwwap nende suiste eest 6 rublat. 

Peter Lutzar wastutas, et tema ei ole mitte Jaan Teppo suitse lõiknu, et tema om nee suitse Lukko Johani usaijast löudnu, see lõigatu rihma. -

Jaan Haidak om kohtomees Karl Tobrelutz kätte tunistuse andnu, et tema ei tiija sest suitse loikamisest midagi.

Mõistetu: Et see awalik, et Jaan Teppo suitse rihm om Peter Lutzar käest kätte, saanu - nink wöörmöndre Peter Lutzar ülekaemise perra et see tõtteste Jaan Teppo rihm om.

Otsus: Saap selle kurja töö eest Peter Lutzar 10 witsa lööki nink massap 2 1/2 rubl Jaan Teppole suitse kahjo nink 90 kopkat kolme korra ajamise wälja jämise eest trahwi 14 päiwa sisen ära.

Kohtokäujile otsus ette loetu, suuremba kohtokäumise säädus § 772, 773 n 774 perra kuulutetu. 

                           Kohtowanemb M. Kurwitz 

                           Kohtomees Jaan Black  XXX

                           Kohtomees Karl Tobrelutz  XXX

                                    Kirjotaja P. Black

Peter Lutzar kuulut, et tema selle otsusega rahu ei ole, nink lubap suurembat kohut käwwa. -