Wana Koiola kogokonna kohtun Wissel, sel 9. januaril 1879.

                                                                                            #

Thomas Hämalane kaibap, et Johan Jäger om tema aida usse wallale murdnu, nink taba ara purustanu, nõwwap, taba  kiskja   trahwi

Johan Jäger wastutas, et tema ei ole tol kõrral kotton olnu, kui Thomas Hämalane aida us om lahutu, tema om Adiste külan Jaan Hermitz pool olnu.

An Hämalane Thomase tuttar and seletust, et Johan Jäger om aida mano tulnu nink usse maha kangutanu, sis om tema Johan Jäger küpar pääst wõtnu, tähes et salata ei saa, sellepääle om tahtnu Johan Jäger An Hämalast puuga maha lüwwa. 

An Hämalane Johan tutar tunistas, mina kuuli usse pääle tampimist nink An Hämalase appi tänitamist, ent Johan Jägerd nännu ei ole.

Ewa Johan tutar Hämaläne tunistas, et selle tormi pääle om tema ka wälja tulnu nink nännu, et Johan Jäger ilma kübarata olnu.

Jaan Thoma poig Hämalane and tunistust, et Johan Jäger om neide usaija pääl olnu ilma kübarada nink malk salan olnu, kelle ei ole tohtnu mano mina. 

Jaan Jakob  p. Kottissse and tunistust, Johan Jäger om kül sel õdangul kel 9 Adiste külan pulman olnu, ent peran seda ei ole nättu, nii sama ütles ka Jaan Här-

mitz wälja. -

Tunistajide mano wotmise perast jääp poolele. -