Johann Ilwes kaibas, kui Albret Asserus olla talwel gifti troppe rebaste püüdmises nende nurme pääle wälja pandnu, - nüüd olla tema Ziga sinna nurme pääle lännu kos Albret Asserus talwel gifti troppe olli wälja pandnu, - nink tema ziga olla ära löpnu. - Ta nõwwap Albret Asseruse käest to zea eest 15 Rubla. - Ka andse Johann Ilwes üles, et tood zikka omma walla wanemb Hindrik Wesk ja wöölmündre Kusta Kiiwid üle kaenud. - Johann Ilwes andse ka nägijid üles, kes omma nännu, et Albret Asserus gifti om wälja pandnu, nimelt: Karl Mandli, Hans Siiman. -

Wallawanemb Hindrik Weski ja kogokonna Wöölmünder Kusta Kiiwid ütliwa, nema omma to ziga üle kaenud ja löüdnud: zea suu om kinni pitsünü ollu, keel suust wällan, ja nõnast om werd ollu wälja joosnu. - na lasknuwa taad lohki lõigata, ja löüdnud, et edimõtse sooliku tõise poole päält üts kotus omma mustas palanud, ja põrn ka must. - tagapool ollu ilus, ja mao pääl rasew ka illus: - Naa arwassiwa, et tol zeal om äkiline surm ollu. -

Albret Asserus ütles; ta ei olla üttegi gifti troppi wälja pandnu, rebase püüdmisse tarwis. - Tood ei woida keaki tunnistada. -

Ta olla kül 3 Rebast püssiga maha lastu, Sangaste Tigase Andrusse käest 3 Rebase nahka saanu nink sis 6 Rebase nahka Tartude ära müünu. -

Et Johann Ilwes tood om kaiwanu kui oles tema - Albret Asserus - gifti troppe wälja pandnu, ja no eennimitedu 6 Rebase giftiga kinni püüdnu, nink tolle läbi Johann Ilwesse ziga ära om lõpnu - olla kiik wõls, - ei olla tema ka sukku oman elun gifti troppe wälja pandnu. -

Et Albret Asserus seda ära salgab, et ta om gifti wälja pandnu, - sis sai

otsus:

Karl Mandli; Hans Siiman, ja Märt Urm sija kohto manu tõises kohto päiwas tallitada sest Märt Urm olla ka Albret Asserusel gifti troppe nännu. -