Täämbatsel päiwal andse von Hehni Preili kogokonna kohtole üles:

1. Et temal om weel wana Rentniko käest saada 38 Rubla raha, ja 5 wakka kartoflid, - ja olewad Peedo Allew to wõlg lubanu Jaanipäiwas s.a. ära massa, ja kuuljad to man olluwa: Karl Stamm ja Karl Lucht.

Sest wõlast 38 Rb - lähab maha 10 Rubla üte ohwakese eest, mes Preili Peedo Alewi käest om ära sanu, nink jääb toda wõlga sis 28 Rb raha ja 5 wakka kartoflid. -

2. Andse preili von Hehn üles, et Lokomärdi wana Hindrik Leiter om ka kuulu, kui Peedo Allew om ütelnu, et 7me aastide sisen ei olla tema midagi Preilile massa woinud. -

Weel andse preili üles, mes Peedo Alewil kraami om olnu, kui ta ära läts: 1 hobene, 7 lammast 12 woonaga, 1 õhwakene 2 aastat wana, ja 1 pullikene 1 aasti wana. -

Pääle to om Preili poolt 4 wöikest söido wankri zööri Peedo Allewi kätte saanu; tood pallel Preili ka Protokolli kirjotada, et Peedo Allew no 4 zööri Preilile tagasi teessi. -

Kogokonna kohtomehed ütliwa, et nema omma ka kuuluwa kui Peedo Allew om lubanu no 4 zööri preilile tagasi asemale tetta. 

Kogokonna kohus arwas, Preili von Hehn üles antud kohto man Protokolli kirjotada. -