Wana Koiola kogokonna kohtun Wissel, sel 15 januaril 1879.

Man olliwa kohtowanemb: Mihkel Kurwitz

                     kohtomees: Jaan Plakk

                     kohtomees: Mihkel Plakso

Johan Haidak kaibap, et Johan Pikk ollew tema peni ära lasknu, kui om lännu penni takkan otsma ollew Johan Pikk teda löönu.

Nõwwap uts säärne hind, mes kohtun ei wõi üles panda. /150 rbl/.

Johan Pikk wastutas, et laskmisest ei tiija ta midagi ei ole ka löönu Johan Haidakule. -

I  Jaan Pikk and tunistust, et tema om kül sääl olnu, ent pini laskmist nink löömist Johan Haidakule mitte nännu. 

II  Johan Loks tunistas, et peni laskmist ei ole nännu, ent kui Johan Haidak om Johan Pikk poole lärmitsema lännu, sis om Johan Pikk Johan Haidak touganu, üttelden, et mine mino elotusest ära. 

III  Jaan Rammul and tunistust. Johan Haidak peni laskmisest ei tiija tema midagi, ent Johan Haidak om Johan Pikk poole tulnu nink lermanu, jalga maad wasta löönu ja Johan Pikka soimanu:"Kas olgu kurat see laskja, ent sino püs om lasknu." -

Mõistetu: Et mänastki tunistust ei ole, et Johan Pikk, Johan Haidak peni olew lasknu, ei sa kaibaja midagi; ent selle eest et Johan Haidak julgus kogokonna kohtule üttelda et tema asi ei wõi mõistetus saada nink kõrget häält om pruuknu, istup Johan Haidak 48 tunni kogokonna kohtu türmin. 

Kohtokaujile otsus ette loetu, suuremba kohto kaumise säädus § 772, 773 n 774 perra kuulutetu. -

                Kohtowanem: M Kurwits

                Kohtomees: Jaan Plakk  XXX

                         do        Mihkel Plakso  XXX

                            Kirjotaja P. Black

Johan Haidak kuulut, et tema sellega raho ei ole pallel protokolli walja mes ka lubatus sai. 

                  /Sel 15 januaril kihelkonda protokoll saadetu/