Tarto II Kroono mõtsa jaoskonna Mõtsa herra om selle kogokonna kohtule üles andnu, et tema om mõtsawahi Jaan Juust ja kogokonna wanemba Hindrik Weski man olemisen Ilmjerwe kroono mõtsan löidnu warastedu olewad:

3 kõiwo, a' 8 tolli paks ja 45 jalga pika,

1 kõiw    -   6   -       -         35   -      -

ja 1 kõiw -  5   -       -         35   -      -

ära olewad warastedu, sis olla mõtsawaht Jaan Juust ütelnu, et Tedre kandimehed omma warastanu, ja Tedre kandimehed Hans Kimalane, Toomas Känksep ja Andres Alter, ei olewa ka tood wargust salanuwa. -

Sis andse mõtsa herra selle kogokonna kohtule weel üles, to asi ka siin kogokonna kohtu man üle kuulata, ja sis wargide käest trahwi raha 14 Rubla 52 kop sisse nõuda ja mõtsa herra käte ära saata. -

Selle pääle saiwa täämba kohto ette kutsutus Tedre kandimehed: Hans Kimalane, Toomas Känksep ja Andres Alter, nink nema ütliwa küsimise pääle et nema omma kül noid puid kroono mõtsast warastanu.

Sellepääle moisteti:

14 Rubl 52 Cop. kolme kandimehe pääle ära jagatu, tuleb egal ütel massu 4 Rb 84 kop. - nink peab se raha 14 päiwan siin ära mastama, et siist mõtsa herra kätte protokolliga üten ära woib saadetus saada. -

Kohto otsus kuulutedi Sääduse raamatu §§ 772 & 773 oppusega. -